2023-03-19 15:14:15, 455 ნახვა
საზოგადოება
სტუდენტური მოძრაობის ცნობით, ბაგების საცხოვრებელში შსს-ს წარმომადგენლები მივიდნენ
"მაისის სტუდენტური მოძრაობის" აცხადებს, რომ, ბაგების საცხოვრებელში პოლიცია შევიდა და სტუდენტებს პირადი მონაცემები გამოართვა. შინაგან საქმეთა სამინისტროს წარმომადგენლების უნივერსიტეტის საერთო საცხოვრებელში მისვლის ფაქტს ადასტურებენ თსუ-შიც, თუმცა ამბობენ, რომ ეს იყო გეგმიური შესვლა, რასაც მართლწესრიგის ოფიცრები წელიწადში ერთხელ აკეთებენ. სტუდენტებთან პოლიციის წარმომადგენლების მისვლაზე განცხადება მაისის მოძრაობამ ფეისბუქგვერდზე გამოაქვეყნა. "როგორც სტუდენტებმა გვითხრეს, მათ თავი ვაკის პოლიციის თანამშრომლებად გააცნეს და პირადი მონაცემები გამოართვეს. ამავდროულად, მათ სტუდენტებისთვის არ მიუწოდებიათ ინფორმაცია, თუ რას ემსახურებოდა პერსონალური ინფორმაციის შეგროვება. ამის შესახებ სტუდენტები ადმინისტრაციას არ გაუფრთხილებია. პოლიციის თანამშრომლებს არ ახლდნენ საცხოვრებლის ან უნივერსიტეტის ადმინისტრაციის წარმომადგენლები. ასევე, არ იყვნენ ინფორმირებულნი მსგავსი აღრიცხვის საჭიროების და მნიშვნელობის შესახებ", - წერია მოძრაობის განცხადებაში. "მაისის სტუდენტური მოძრაობა" ამ ფაქტს სტუდენტების მიმართ "პირდაპირ გზავნილად" აღიქვამს, რომ "თუ გაბედავენ, ნებისმიერი სახით, სახელმწიფოში გაბატონებული უთანასწორობის წინაღმდეგ ბრძოლას, მათ სახელმწიფო საპოლიციო რეჟიმი პასუხს გასცემს... პოლიციას არაფერი ესაქმება უნივერსიტეტში, სტუდენტების საცხოვრებელში, თუმცა, ბოლო პერიოდში, ხელისუფლება ავტორიტარული გამოვლინებებით ცდილობს შეინარჩუნოს ძალაუფლება". უნივერსიტეტის პრესსამსახურის წარმომადგენელმა, თინათინ იზორიამ რადიო თავისუფლებას უთხრა, რომ ადგილზე მართლწესრიგის ოფიცრები წელიწადში ერთხელ დადიან ხოლმე არამხოლოდ სტუდენტებთან, არამედ, ადგილობრივ მოსახლეობასთანაც. მისივე თქმით, ეს მოხდა 15-16 მარტს. "ყოველ წელს, წელიწადში ერთხელ, არამხოლოდ სტუდენტურ საცხოვრებელში, არამედ ყველა ოჯახში დადიან მართლწესრიგის ოფიცრები. ისინი ამოწმებენ, ვინ ცხოვრობს ამა თუ იმ ადგილას. ასეთი წესი აქვთ. ყოველ წელს შემოდიოდნენ ჩვენთანაც და ამას არაფერი მოჰყოლია. არანაირი ჩხრეკა არ ყოფილა... ეს იყო ოთხშაბათს, ბაგების პირველ კორპუსში, ხუთშაბათს ბაგების მეორე კორპუსში და კვირას მოუნდა ვიღაცას ამაზე საუბარი", - თქვა მან და, ასევე აღნიშნა, რომ უნივერსიტეტი გაფრთხილებული არ ყოფილა შსს-ის წარმომადგენლების სტუდენტებთან მისვლის შესახებ. ავტორი: ექსპრესნიუსი, ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ
რეჯეფ თაიფ ერდოღანი ანკარაში ფრანკ-ვალტერ შტაინმაიერს შეხვდა
ზელენსკი - მადლობელი ვარ პრეზიდენტ ბაიდენის, კონგრესისა და ყველა ამერიკელის
|
ომი უკრაინაშიკულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|