2023-03-17 19:30:59, 953 ნახვა

---

ევროკომისიის პრეზიდენტი - პუტინის შანტაჟმა არ გაამართლა, მან ვერ შეძლო ევროპის შანტაჟი ენერგომომარაგების შემცირებით

რუსეთის პრეზიდენტმა ვლადიმერ პუტინმა ვერ შეძლო ევროპის შანტაჟი ენერგომომარაგების შემცირებით და მისმა შანტაჟმა არ გაამართლა, - ამის შესახებ ევროკომისიის პრეზიდენტმა ურსულა ფონ დერ ლაიენმა ნორვეგიის დასავლეთ სანაპიროსთან მდებარე გაზის Troll A პლატფორმაზე ვიზიტის დროს განაცხადა.

მისივე თქმით, პუტინის გეგმა ჩავარდა და მცდელობა, რომ ევროკავშირი დაეჩოქებინა ვერ შეძლო და პირიქით, ევროკავშირი მეტ ენერგიას მიიღებს ისეთი მოკავშირეებისგან, როგორებიც არიან ნორვეგია და აშშ.

"ასე რომ, თუ პრეზიდენტი პუტინი გეგმავდა ჩვენს დაჩოქებას, მან ზუსტად საპირისპიროს მიაღწია. დღეს ჩვენ უფრო ძლიერები და დამოუკიდებლები ვართ, ვიდრე ოდესმე", - განაცხადა ევროკომისიის პრეზიდენტმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი