2023-03-17 14:15:18, 396 ნახვა
საზოგადოება
ოთარ შამუგიამ და კატარის სახელმწიფოს გარემოსა და კლიმატის ცვლილების მინისტრმა თანამშრომლობის მემორანდუმი გააფორმეს
![]() კატარის სახელმწიფოში ვიზიტის ფარგლებში, საქართველოს გარემოს დაცვისა და სოფლის მეურნეობის მინისტრი ოთარ შამუგია კატარის სახელმწიფოს გარემოსა და კლიმატის ცვლილების მინისტრს, შეიხ ფალეჰ ბინ აჰმედ ბინ ალი ალ თანის შეხვდა. შეხვედრაზე მხარეებმა კლიმატის ცვლილებით გამოწვეული რისკების ფონზე გარემოსდაცვითი ღონისძიებების განხორციელების მნიშვნელობის საკითხი განიხილეს. ოთარ შამუგიამ დეტალურად ისაუბრა აღნიშნული მიმართულებით საქართველოს მთავრობის სტრატეგიულ ხედვაზე და გარემოსდაცვითი მიმართულებით განხორციელებულ ღონისძიებებზე გაამახვილა ყურადღება. მინისტრის განცხადებით, საქართველოს ხელისუფლებამ მნიშვნელოვანი ნაბიჯები გადადგა ჰაერის ხარისხის გაუმჯობესებისთვის, ბიომრავალფეროვნების შენარჩუნების, წყლის რესურსების მართვის, დაცული ტერიტორიების გაფართოების, ნარჩენების მართვის და სხვა მიმართულებებით. შეხვედრის დასასრულს, მხარეებმა ხელი მოაწერეს მემორანდუმს, რომელიც ითვალისწინებს თანამშრომლობის გაღრმავებას წყლის რესურსების, ჰაერის ხარისხის მონიტორინგისა და კონტროლის, ბიომრავალფეროვნების, ერთობლივი გარემოსდაცვითი პროექტებისა და პროგრამების განხორციელებას კლიმატის ცვლილებებით გამოწვეული რისკების შერბილების მიმართულებით. კატარის გარემოს დაცვის მინისტრმა მადლობა გადაუხადა ოთარ შამუგიას კატარის სახელმწიფოში ვიზიტისთვის და განაცხადა, რომ უწყებებს შორის გარემოს დაცვის სფეროში შემუშავებულ მემორანდუმს ახალ ეტაპზე გადაჰყავს არსებული თანამშრომლობა. მინისტრმა იმედი გამოთქვა, რომ აღნიშნული მემორანდუმი ხელს შეუწყობს ერთობლივი პროექტების განხორციელებას. „მხარეებს შორის გამოცდილების გაზიარება, ერთობლივი კვლევების ჩატარება ხელს შეუწყობს ურთიერთობის განვითარებას არა მხოლოდ გარემოს დაცვის სფეროში, არამედ მნიშვნელოვან წვლილს შეიტანს ორ ქვეყანას შორის მჭიდრო თანამშრომლობის გაღრმავებაში“, - განაცხადა ოთარ შამუგიამ შეხვედრაზე. შეხვედრას, საქართველოს გარემოს დაცვისა და სოფლის მეურნეობის მინისტრმა ერთად, კატარის სახელმწიფოში საქართველოს საგანგებო და სრულუფლებიანი ელჩი ნიკოლოზ რევაზიშვილი ესწრებოდა.
მდინარაძე - პაპუაშვილი იყო რუმინეთში, სადაც უკვე მკაფიოდ თქვეს, რომ მხარს დაუჭერენ საქართველოსთვის კანდიდატის სტატუსის მინიჭებას
მდინარაძე ივანიშვილზე - ეს კაცი ვერ გაიცნეს, სამშობლოსთვის საკუთარი და ოჯახის წევრების სიცოცხლე სასწორზე დადო
მდინარაძე - საქართველოს გაერთიანების გზაზე მთავარი გზავნილი მშვიდობა, პატიება და შერიგება უნდა იყოს
აზერბაიჯანის პრეზიდენტის თანაშემწე - აზერბაიჯანს სომხეთის სუვერენულ ტერიტორიაზე სამხედრო მიზნები და ამოცანები არ აქვს
|
ომი უკრაინაში![]() სტოლტენბერგი - რუსეთის მიზნები უკრაინის წინააღმდეგ ომში არ შეცვლილა
![]() ზელენსკი - უკრაინის შეიარაღებული ძალები დონეცკის მიმართულებით დაწინაურდნენ
![]() უკრაინის გენშტაბი - საომარი მოქმედებების დაწყებიდან დღემდე, უკრაინაში 276 990-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
![]() ოთხი არშემდგარი რევოლუციის ფონზე მახუთე ხელისუფლებამ დაანონსა - დაშინება თუ რეალური საფრთხე
მთავარი თემა
|