"უცხოური აგენტების კანონპროექტს", რუსულთან არ ჰქონდა არანაირი კავშირი, ეს იყო მიზანმიმართული PR-კამპანია, რომელიც როგორც შიდა ძალებმა, ასევე გარე ძალებმა ერთობლივად დაგეგმეს და მას თავისი იარლიყიც კი მიაკრეს, - ამის შესახებ თბილისის მერმა კახი კალაძემ ტელეკომპანია "იმედის" ეთერში განაცხადა.

მისივე თქმით, წარმოდგენილი იყო ორი კანონპროექტი, ერთი მათგანი ზუსტი ანალოგი იყო ამერიკის შეერთებული შტატების კანონპროექტიდა, ხოლო მეორე უფრო შერბულებული ქართული ვარიანტი, ვინაიდან ამერიკაში მოქმედი კანონპროექტი მეტად ხისტია.

"აღნიშნულ კანონპროექტს რუსულთან არ ჰქონდა არანაირი კავშირი. ეს იყო მიზანმიმართული PR-კამპანია, რომელიც როგორც შიდა ძალებმა, ასევე გარე ძალებმა ერთობლივად დაგეგმეს და მას თავისი იარლიყიც კი მიაკრეს, თითქოს ეს იყო რუსული კანონი და სინამდვილეში მას რუსულთან არანარი კავშირი არ ჰქონდა...

ორი კანონპროექტი იყო წარმოდგენილი, ერთი იყო ანალოგი ამერიკის შეერთებული შტატებისა და მეორე იყო სუფთა ქართული, უფრო შერბილებული, იმიტომ რომ ამერიკაში მოქმედი კანონპროექტი არის გარკვეულწილად ხისტი, ეწინააღმდეგება ადამიანის უფლებებს და ეს გადაწყვეტილება, რომელიც იქნა მიღებული ჩვენი მხრიდან, აღნიშნული კანონპროექტი, რა თქმა უნდა, იყო გაცილებით რბილი და ემსახურებოდა მხოლოდ ერთ მიზანს - გამჭვირვალობას. რომ საზოგადოებას ჰქონდეს ხელმისაწვდომობა და ინფორმაცია იმასთან დაკავშირებით, ესა თუ ის არასამთავრობო ორგანიზაცია, რომელიც სხვადასხვა მიმართულებით მუშაობს, საიდან ფინანსდება", - განაცხადა კალაძემ.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე