ჩვენი სახელმწიფოს სიძლიერე ემყარება იმ ფაქტს, რომ უკრაინელები მეომრები გადამწყვეტ მომენტში ხდებიან,- ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.

მისი თქმით, უკრაინამ მსოფლიო მისი გამარჯვებისთვის გააერთიანა.

"ჩვენი თავდაცვისა და უსაფრთხოების ძალების სიძლიერე ჩვენი ხალხის სიძლიერეშია. უკრაინელების და მთლიანად სახელმწიფოს სიძლიერე ემყარება იმ ფაქტს, რომ უკრაინელები მეომრები ხდებიან გადამწყვეტ მომენტში - ისინი არ კარგავენ ძალას, ისინი იბრძვიან, ისინი არ ეძებენ იმას, რაც მათ არ ეკუთვნით, ისინი ყველაფერს აკეთებენ იმის დასაბრუნებლად, რაც მათია.

ჩვენ გავიმარჯვებთ ამ ომში. ამისთვის ყველაფერს ვაკეთებთ. ჩვენ ერთმანეთს ვუჭერთ მხარს. ჩვენ ვაძლიერებთ სახელმწიფოს. ჩვენ ვაერთიანებთ მსოფლიოს ჩვენი გამარჯვებისთვის, რომელიც რეალურად შედგება ყველა იმ ადამიანის მოქმედებისგან, ვინც უკრაინისთვის იბრძვის, რომლებიც იბრძვიან ჩვენი ქვეყნისთვის და თავიანთი ძმებისთვის, რომლებიც ყველაფერს აკეთებენ იმისათვის, რათა მტერმა ვერ მიიტაცოს ვერც ჩვენი მიწა და ვერც უკრაინის დიდება.

დიდება ყველას, ვინც ახლა იბრძვის ჩვენი ქვეყნისთვის! დიდება ყველას, ვინც მხარს უჭერდა უკრაინას!
კურთხეული ხსოვნა და მარადიული პატივი ყველას, ვისი სიცოცხლეც რუსულმა დაბომბვამ და დარტყმებმა შეიწირა! დიდება უკრაინას!",- განაცხადა ზელენსკიმ.

ავტორი: ექსპრესნიუსი,

სოციალური ქსელები

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია