2023-03-11 16:27:49, 1253 ნახვა
სამართალი
ბათუმის ერთ-ერთ ღამის კლუბში ახალგაზრდა კაცი მოკლეს
ბათუმში, მემედ აბაშიძის ქუჩაზე მდებარე ერთ-ერთ ღამის კლუბში ახალგაზრდა კაცი მოკლეს.
გავრცელებული ინფორმაციით, შელაპარაკება ორ ახალგაზრდას შორის მოხდა, რაც ფიზიკურ დაპირისპირებაში გადაიზარდა, რა დროსაც 30 წლამდე კაცს ცივი იარაღით რამდენიმე ჭრილობა მიაყენეს. ის სამედიცინო დაწესებულებაში გადაყვანისთანავე გარდაიცვალა.
როგორც "ექსპრესნიუსს" შინაგან საქმეთა სამინისტროში განუცხადეს, ფაქტზე ერთი პირია დაკავებული.
გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულოსხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
