2023-03-10 16:42:20, 1145 ნახვა
პოლიტიკა
ლუკაშენკომ ხელი მოაწერა კანონს, რომელიც მაღალჩინოსნების სიკვდილით დასჯას ითვალისწინებს
ბელარუსის პრეზიდენტმა, ალექსანდრე ლუკაშენკომ ხელი მოაწერა კანონს, რომელიც სამშობლოს ღალატის მოტივით, მაღალჩინოსნების სიკვდილის დასჯას ითვალისწინებს. ამის შესახებ რუსული მედია პრეზიდენტის პრესსამსახურის ინფორმაციაზე დაყრდნობით იუწყება.
ბელარუსის პრეზიდენტის პრესსამსახურის ცნობით, დოკუმენტის მიზანი ანტისახელმწიფოებრივი დანაშაულების წინააღმდეგ ბრძოლის გაძლიერებაა.
"პრეზიდენტმა ხელი მოაწერა კანონს "სისხლის სამართლის პასუხისმგებლობის კოდექსში ცვლილებების შეტანის შესახებ". დოკუმენტის მთავარი მიზანია ექსტრემისტული (ტერორისტული) და ანტისახელმწიფოებრივი დანაშაულების წინააღმდეგ ბრძოლის გაძლიერება", - ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
