აჭარის მთავრობის თავმჯდომარე თორნიკე რიჟვაძემ, ITB Berlin-ის გამოფენის ფარგლებში, დღეს, სათავგადასავლო ტურიზმის პავილიონი გახსნა.

თორნიკე რიჟვაძემ საერთაშორისო საზოგადოებას სიტყვით მიმართა და  საქართველოს, აჭარის ტურისტული და საინვესტიციო შესაძლებლობები გააცნო. სიტყვით გამოსვლისას, თორნიკე რიჟვაძემ ისაუბრა ტურიზმის მზარდ დინამიკაზე როგორც აჭარაში, ასევე საქართველოში და აღნიშნა, რომ ITB Berlin-ი საუკეთესო პლატფორმაა საქართველოსთვის წარმოაჩინოს თავისი თვითმყოფადობა და უნიკალურობა. მან ხაზი გაუსვა გასული წლის ორნიშნა ეკონომიკურ ზრდას და პანდემიის შემდეგ, ტურიზმის აღდგენის დინამიკას. მისი თქმით, 2023 წლის მოლოდინები კიდევ უფრო ამბიციური და პოზიტიურია, როგორც ტურისტული ნაკადების, ასევე ეკონომიკის ზრდასთან დაკავშირებით.

ITB Berlin 2023 ქართული გალა-კონცერტით საზეიმოდ გაიხსნა. ბერლინის საერთაშორისო ტურისტულ გამოფენაზე საქართველო მასპინძელი ქვეყანაა. მსოფლიოს ყველაზე მასშტაბურ ტურისტულ ღონისძიებაზე საქართველო, მსოფლიოს 180 ქვეყნიდან სტუმრებს აცნობს  ჩვენს კულტურას, ტურისტულ პოტენციალს.

ბერლინის ტურისტულ გამოფენაზე საქართველოს ტურიზმის ეროვნული ადმინისტრაცია აჭარის ტურიზმისა და კურორტების დეპარტამენტთან, თბილისის მერიასთან, ტურისტულ ასოციაციებთან, დანიშნულების ადგილის მართვის ორგანიზაციებთან ერთად არის წარმოდგენილი.

ავტორი: NS (სტატია დაფინანსებულია),

სოციალური ქსელები

აშშ-მ და რუსეთმა ამერიკელი ინვესტორის მონაწილეობით „ჩრდილოეთის ნაკადი 2“-ის აღდგენის საკითხი განიხილეს

პროსტიტუციის ხელშეწყობისა და პროსტიტუციისთვის ადგილის გადაცემის ბრალდებით 21 პირი დააკავეს და 11 ობიექტი დალუქეს

პროდუქტებზე ფასდაკლების პორტალი Ekalata.gov.ge უკვე Android-ისა და iOS-ის მობილურ აპლიკაციებშია ხელმისაწვდომი

ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება