იმედია, ამ კანონს არც მორალური და არც ორალური მხარდაჭერა ექნება, როგორც დეპუტატმა ბოლქვაძემ თქვა, - ამის შესახებ ოპოზიციონერმა დეპუტატმა, თაკო ჩარკვიანმა "უცხოური აგენტების შესახებ" კანონპროექტთან დაკავშირებით განაცხადა.

როგორც ჩარკვიანმა პარლამენტის პლენარულ სხდომაზე სიტყვით გამოსვლისას აღნიშნა, ანტიდასავლური მოძრაობის კანონპროექტის კანონად ქცევა მიუღებელია.

"მთელი მსოფლიო გვეუბნება, რომ ეს არ არის დასავლური კანონი, თქვენ მათ ეუბნებით, რომ გინდა თუ არა თქვენიაო. მოდი, დავტოვოთ ეს კანონი ამ ხუთეულის თუ ექვსეულის ინიციატივად და თქვენც გადარჩებით აქ ადამიანები იმიტომ, რომ ამ ისტორიულ სირცხვილს ვერ მოიცილებთ, გამორიცხულია. ეს არის ის დღე, რომელიც თქვენს ბიოგრაფიაში ჩაიწერება სამომავლოდ სამარცხვინო ასოებით. თუ თქვენ ეს არ გაწუხებთ, ღმერთმა ხელი მოგიმართოთ. მე ვიცი, რომ ეს კანონი არ უნდა დავუშვათ ზუსტად ისევე, როგორც 1978 წლის 14 აპრილს არ დავუშვით ენის კანონი... ამას იმიტომ აკეთებთ, რომ არ მივიღოთ ეს სტატუსი? - აბა,ვინც ხმა უნდა მოგვცეს, ისინი გვეუბნებიან, რომ არ მიიღოთ, თორემ არ მოგცემთ სტატუსსო. სწორედ ეს არის მოღალატეობრივი გზა, როდესაც ევროინტეგრაციის გზას ხელს უშლი", - განაცხადა თაკო ჩარკვიანმა.

ცნობისთვის, ანტიდასავლურმა მოძრაობა „ხალხის ძალამ" საქართველოს პარლამენტში „უცხოური გავლენის გამჭვირვალობის შესახებ“ კანონპროექტი თებერვალში დააინიცირა. კანონპროექტის მიხედვით, შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა საერთაშორისო საზოგადოება. დასავლეთი და შეერთებული შტატები ერთხმად თანხმდებიან, რომ ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას. „უცხოური აგენტების შესახებ“ კანონპროექტის მიღების წინააღმდეგია არასამთავრობო სექტორი და ოპოზიციაც. მეორეს მხრივ, მმართველი პოლიტიკური გუნდი ანტიდასავლური მოძრაობის მიერ ინიცირებული კანონპროექტის პირველი მოსმენით მიღებას აანონსებდა.

კრიტიკის შემდეგ, "ხალხის ძალამ" კანონპროექტის მეორე ვარიანტიც დააინიცირა, რომელიც მათივე მტკიცებით, "ამერიკული კანონის ანალოგია" და რუსულ ვერსიასთან შედარებით, "ნაკლებად ლიბერალურია".

"უცხოური აგენტების შესახებ" კანონპროექტს მხარი 2 მარტს, საგარეო ურთიერთობათა და თავდაცვისა და უშიშროების კომიტეტების გაერთიანებულ სხდომაზე, გუშინ, 6 მარტს კი, იურიდიულ კომიტეტზე დაუჭირეს.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე