„რუსეთი ომს არავისთან აპირებს, ჩვენ ყველასთან თანამშრომლობა გვსურს“,-ამის შესახებ რუსეთის პრეზიდენტმა ვლადიმერ პუტინმა  გერმანიის და საფრანგეთის ლიდერებთან შეხვედრის შემდეგ განაცხადა.

პუტინის განცხადებით, არსებობს მოსაზრებები, რომ რუსეთის წინაარმდეგ ომი მიმდინარეობს, მაგრამ ეს ასე არა არის, თუმცა მისივე თქმით, რუსეთის წინააღმდეგ მიმართულია ძალები, რომლებიც ქვეყნის განვითარების შეჩერებას სცდილობენ.

„მსმენია განცხადებები, რომ ჩვენი ქვეყნის წინააღმდეგ ომი მიმდინარეობს, მაგრამ ეს ასე არ არის,თუმცა არსებობს მცდელობა, რომ შეაჩერონ ჩვენი განვითარება სხვადასხვა საშუალებებით, არის მცდელობა გაყინოს საბჭოთა კავშირის შემდეგ ჩამოყალიბებული მსოფლიო წყობა და ამას ერთი ლიდერი ხელმძღვანელობს, რომელსაც სურს დარჩეს ლიდერად და ფიქრობს, რომ მისთვის ყველაფერი შესაძლებელია, ხოლო სხვებისთვის მხოლოდ ის,  რასაც ის საკუთარი ინტერესებიდან გამომდინარე მოისურვებს.  ასეთი მსოფლიო მოწყობა არასდროს არ იქნება მიღებული რუსეთისთვის. თუ ვინმეს აწყობს და სურს  ნახევრად ოკუპაციის პირობებში ცხოვრება,  ეს მათი სურვილია, მაგრამ ჩვენ ამას არ შევურიგდებით, თუმცა ომსაც არავისთან ვაპირებთ, ჩვენ ყველასთან გვსურს თანამშრომლობა. ხოლო ის მცდელობები, რასაც ადგილი აქვს, მათ შორის სანქციები ვფიქრობ, ასეთი მიდგომა არავის გაუხარდება და ისეთი ქვეყნის მიმართ, როგორიც ჩვენია ვერ იქნება ეფექტური, თუმცა გარკვეული ზიანი მაინც მოაქვს. ამას უნდა ვაცნობიერებდეთ  და გავაძლიეროთ ჩვენი სუვერენიტეტი, მათ შორის ეკონომიკის სფეროშიც“,-განაცხადა ვლადიმერ პუტინმა.

შეგახსენებთ, რომ გუშინ  გერმანიის კანცლერი ანგელა მერკელი და საფრანგეთის პრეზიდენტი  ფრანსუა ოლანდი რუსეთის პრეზიდენტ ვლადიმერ პუტინს შეხვდნენ.

შეხვედრაზე მხარეები, 5 საათის განმავლობაში უკრაინაში არსებულ ვითარეაბას განიხილავდნენ, თუმცა გერმანიის და საფრანგეთის ლიდერებმა მოსკოვი კომენტარის გარეშე დატოვეს.

ასევე, დღეს მერკელი, ორლანდი, პუტინისა და პოროშენკოს შორის სატეეფონო მილაპარაკებაა დაგეგმილი.

მოლაპარაკებაზე მხარეები მინსკის შეთანხმების შესრულების გზებზე უნდა შეჯერდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა

პაპუაშვილი – საქართველო-აშშ-ის ურთიერთობები გადატვირთვის გზით მიდის

კობახიძე - ალდეს ლიბერალობის არაფერი ეტყობა, კვლავაც დგანან რადიკალიზმის, მათ შორის ტერორისტული აქტის მხარეს