საერთოდ არ გვიფიქრია სტრასბურგზე, გეგმებზე არ გვილაპარაკია, - ამის შესახებ საქართველოს მესამე პრეზიდენტის დედამ, გიული ალასანიამ განაცხადა.

როგორც ალასანიამ მედიის წარმომადგენლებთან საუბრისას აღნიშნა, მიხეილ სააკაშვილის საქმეზე მეორე ინსტანციის გადაწყვეტილება მოსალოდნელი იყო.

"საერთოდ არ გვიფიქრია სტრასბურგზე, საერთოდ არ ფიქრობს. ფიქრობს, რომ მსოფლიომ და პირველ რიგში, ქართველებმა არ დაუშვან ასეთი ადამიანის სიკვდილი. გეგმებზე არ გვილაპარაკია. მოსალოდნელი იყო, რაც მოხდა. არავითარი ილუზია არ მაქვს არც ერთ სახელმწიფო ინსტიტუტთან დაკავშირებით... ცუდად არის, მომაკვდავ მდგომარეობაშია. მეტყველება აღდგენილი აქვს ასე თუ ისე, მაგრამ რა დროს წაერთმევა, არ ვიცი. საკვებს რაც შეეხება, ყველაფერი უკან მომაქვს ხოლმე", - განაცხადა ალასანიამ.

შეგახსენებთ, თბილისის სააპელაციო სასამართლომ საქართველოს მესამე პრეზიდენტის გათავისუფლების ან სასჯელის გადავადების შუამდგომლობა არ დააკმაყოფილა. მეორე ინსტანციამ ზეპირი მოსმენის გარეშე განიხილა მსჯავრდებული ექსპრეზიდენტის ინტერესების დამცველების სააპელაციო საჩივარი და 2 მარტს, თბილისის საქალაქო სასამართლოს 2023 წლის 6 თებერვლის განჩინება ძალაში დატოვა. სააპელაციომ განმარტა, რომ საჩივრის დაკმაყოფილების სამართლებრივი საფუძველი არ არსებობდა. 

ავტორი: ექსპრესნიუსი,

სოციალური ქსელები

მათიკაშვილი ევროპარლამენტში გამართულ დებატებზე - ამ ყველაფერს გააჩნია ჩალის ფასი

საქართველოს ბანკმა, ბიზნესის მხარდასაჭერად, IFC-სგან 118 მილიონი აშშ დოლარის ინვესტიცია მოიზიდა

თიბისიმ The Digital Banker Global Mass Affluent Wealth Awards 2026-ზე ექვსი პრესტიჟული ჯილდო მოიპოვა

აშშ-მ და რუსეთმა ამერიკელი ინვესტორის მონაწილეობით „ჩრდილოეთის ნაკადი 2“-ის აღდგენის საკითხი განიხილეს