ჩვენი მეომრების დასაბრუნებლად და ჩვენი მიწის გათავისუფლების მიზნით, აქტიური მოქმედებებისთვის ვემზადებით, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

სახელმწიფოს მეთაურის თქმით, ურთულესი ვითარებაა ბახმუტში, სადაც ქალაქის დასაცავად ბრძოლები მიმდინარეობს.

"დღეს გავმართე შტაბის მორიგი სხდომა გაფართოებულ ფორმატში. დაზვერვის მთავარმა სამმართველომ, თავდაცვის სამინისტრომ, მთავარსარდალმა და მიმართულებების მეთაურებმა მოხსენებები წარადგინეს. ჩვენ ფრონტის ხაზის თითოეულ მიმართულებაზე დეტალური ინფორმაცია გვაქვს. 

ურთულესი მდგომარეობაა ისევ ბახმუტში, სადაც ქალაქის დასაცავად მნიშვნელოვანი ბრძოლები მიმდინარეობს. მხოლოდ ერთ მაგალითს მოვიყვან. დღესდღეობით, შტაბის შეხვედრები იმართება საკმაოდ ხშირად - კვირაში ორჯერ მაინც. ბოლო შეხვედრა ხუთშაბათს გაიმართა. დღეს კი, გენერალმა სირსკიმ განაცხადა, რომ ბოლო შეხვედრის შემდეგ, მხოლოდ მისი მიმართულებით 800-მდე ოკუპანტი მოკლეს. რუსეთი ხალხს საერთოდ არ ითვლის. ბრძოლის ინტენსივობა მხოლოდ იზრდება. ჩვენი მეომრების დასაბრუნებლად და ჩვენი მიწის გათავისუფლების მიზნით, აქტიური მოქმედებებისთვის ვემზადებით. გვახსოვს ჩვენი აბსოლუტურად სამართლიანი მიზანი და ყოველდღე ვუახლოვდებით მის განხორციელებას - უკრაინა თავისუფალი იქნება", - განაცხადა ზელენსკიმ.

პრეზიდენტის თქმით, უკრაინაში იმყოფება ჰააგის საერთაშორისო სისხლის სამართლის სასამართლოს მთავარი პროკურორი კარიმ ხანი, რომელიც "რუსი დამნაშავეების პასუხისგებაში მიცემის საქმეში ისტორიულ როლს ითამაშებს".

"რუსეთის გენოციდურ პოლიტიკას ჩვენი ხალხის მიმართ აუცილებლად ექნება გარდაუვალი სამართლებრივი შედეგები ყველასთვის, ვინც მოიფიქრა, მოიწონა და განახორციელა ასეთი პოლიტიკა. მინდა ხაზი გავუსვა, რომ ეს ეხებათ არა მხოლოდ შემსრულებლებს, არამედ ტერორისტული სახელმწიფოს უმაღლეს პოლიტიკურ და სამხედრო ხელმძღვანელ პირებს", - ამბობს ვოლოდიმირ ზელენსკი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს