თურქეთში, მალათიის პროვინციაში 5,6 მაგნიტუდის სიმძლავრის მიწისძვრა მოხდა. 

კატასტროფებისა და საგანგებო სიტუაციების მართვის სამსახურის (AFAD) ცნობით, მიწისძვრა 12:04 საათზე მოხდა და ეპიცენტრი იეშილიურტის რაიონი იყო. 

AFAD-ის პრეზიდენტის, იუნუს სეზერმას განცხადებით, რეგიონში სამძებრო-სამაშველო ჯგუფებმა მუშაობა უკვე დაიწყეს. 

"ჩვენი გუნდები მზადყოფნაში არიან 5,6 მაგნიტუდის სიმძლავრის მიწისძვრის შემდეგ, რომელიც მოხდა მალათიის პროვინციის იეშილიურტის რაიონში. საველე სკანირების სამუშაოები გრძელდება",- წერს  იუნუს სეზერმა Twitter-ზე. 

შეგახსენებთ, რომ 6 თებერვალს, თურქეთის სამხრეთ-აღმოსავლეთ ნაწილში, სირიის საზღვართან ახლოს დამანგრეველი - 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე, ქალაქ გაზიანტეპთან დაფიქსირდა.

ავტორი: ექსპრესნიუსი,

სოციალური ქსელები

საქართველოს ბანკმა, Visa-სთან თანამშრომლობით, ახალი სუპერ PLUS Visa ბარათი შექმნა

ალეკო ელისაშვილი - პენიტენციური იტყუება, 2 ოქტომბერს ინგრეოდა და ზანზარებდა ციხე, ილეწებოდა შუშები

კობახიძე - პენიტენციური სამსახურის მიერ გავრცელებული კადრებში ჩანს, რომ პენიტენციური უწყება მოქმედებდა სტანდარტებისა და პროპორციულობის პრინციპის შესაბამისად

კობახიძე - ციხეებში ვერავითარი აჟიოტაჟი ვერ შექმნეს - ვითარება ბოლომდე კონტროლის ქვეშაა