უკრაინელი დიპლომატები აპირებენ, მოითხოვონ დასავლეთის სანქციების გაფართოება Rosatom-ის მიმართ, რომელიც ამჟამად ზაპოროჟიეს ატომურ ელექტროსადგურს აკონტროლებს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

სახელმწიფოს მეთაური ტრადიციულ ვიდეომიმართვაში რუსეთის წინააღმდეგ ევროკავშირის სანქციების ახალ პაკეტს მიესალმა და მას "ძლიერი სანქციების ნაბიჯები" უწოდა.

„არის ძლიერი სანქციების ნაბიჯები - სამხედრო ინდუსტრიის, ტერორისტული სახელმწიფოს საჯარო სექტორის, პროპაგანდისტების წინააღმდეგ, რომლებმაც რუსული საზოგადოება სიცრუეში დაახრჩვეს და ცდილობენ, თავიანთი ტყუილი მთელ მსოფლიოში გაავრცელონ“, - განაცხადა ზელენსკიმ. 

პრეზიდენტმა ვიდეომიმართვაში ასევე აღნიშნა, რომ უკრაინა ახლა "სიძლიერისა და გამბედაობის გლობალური ცენტრია".

”სიძლიერისა და გამბედაობის გლობალური ცენტრი ახლა არის აქ, უკრაინაში - ჩვენს ხალხში, რომელიც იცავს სახელმწიფოს, დონბასს, ლუგანსკის რეგიონს, მთელ ჩვენს მიწებს, სადაც ბრძოლები გრძელდება”, - დასძინა ზელენსკიმ.

ცნობისთვის, ევროკავშირმა რუსეთის წინააღმდეგ სანქციების მეათე პაკეტი დაამტკიცა. სანქციები შეეხებათ იმ პირებს, რომლებიც მხარს უჭერენ უკრაინაში რუსეთის ომს, ავრცელებენ პროპაგანდას ან რუსეთს აწვდიან დრონებს, რომელსაც ის შემდგომ უკრაინაზე თავდასხმისთვის იყენებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს