უკრაინის პრეზიდენტმა ვლადიმირ ზელენსკიმ განაცხადა, რომ იმედოვნებს,  ჩინეთი რუსეთს იარაღს არ მიაწოდებს. -  ამის შესახებ მან კიევში გამართულ პრესკონფერენციაზე გამოსვლისას განაცხადა, წერს Interfax-Ukraine.

„მინდა მჯეროდეს, რომ ჩინეთი იქნება სამართლიანი სამყაროს მხარეს, რაც ნიშნავს ჩვენს მხარეს ყოფნას. გულწრფელად გეტყვით და ეს ჩემთვის მნიშვნელოვანია: ძალიან მინდა მჯეროდეს, რომ ჩინეთი არ მიაწოდებს იარაღს რუსეთის ფედერაციას. ჩემთვის ძალიან მნიშვნელოვანია. ეს პუნქტი არის მთავარი და პირველი“, - თქვა ზელენსკიმ.

უკრაინის პრეზიდენტმა აღნიშნა, რომ ყველაფერს აკეთებს იმისათვის, რომ რუსეთის ფედერაციისთვის ჩინური იარაღის მიწოდება არ მოხდეს.

”მართალი გითხრათ, არის რისკი იმისა, რომ მოხდეს მესამე მსოფლიო ომი”, - თქვა ზელენსკიმ.

მანამდე Der Spiegel-მა გაავრცელა ინფორმაცია, რომ რუსი სამხედროები აწარმოებენ მოლაპარაკებებს ჩინურ დრონების მწარმოებელთან კამიკაძეების დრონების მიწოდებასთან დაკავშირებით. თებერვალში აშშ-ის ხელისუფლების წარმომადგენლებმა ასევე ისაუბრეს იმაზე, რომ ჩინეთს შეეძლო რუსეთისთვის იარაღის მიწოდება დაეწყო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს