იტალიამ უკრაინას საჰაერო თავდაცვის სისტემების სამი სახეობა გადასცა. ამის შესახებ იტალიის პრემიერ-მინისტრმა, ჯორჯია მელონიმ კიევში უკრაინის პრეზიდენტ ვოლოდიმირ ზელენსკისთან გამართულ პრესკონფერენციაზე განაცხადა.

მელონის თქმით, სანქციების მეექვსე პაკეტი ფოკუსირებულია ჰაერსაწინააღმდეგო თავდაცვაზე, სამოქალაქო და კრიტიკული ინფრასტრუქტურის დასაცავად.  

„როდესაც საუბარია ქვეყანაზე, რომლის მიმართაც აგრესია იქნა ჩადენილი, მაშინ ნებისმიერი იარაღი, რომელიც მას მიეწოდება თავდაცვისთვისაა. საერთაშორისო პარტნიორებთან ერთად საჰაერო თავდაცვის სისტემებზე ვკონცენტრირდებით. საფრანგეთთან ერთად ბევრს ვმუშაობდით ამაზე, რომ ჩვენი ტექნოლოგიები გაგვეერთიანებინა. მნიშვნელოვანია, რომ სამხედრო დახმარების ახალ პაკეტში SAMP-T საზენიტო-სარაკეტო კომპლექსი არის, ასევე საჰაერო თავდაცვის სხვა სისტემებიც - Skyguard და Spike. დღეისთვის სტრატეგიული მიზანია კრიტიკული ინფრასტრუქტურის დაცვა”, - განაცხადა მელონიმ.

მელონის განცხადებითვე, იტალია უკრაინას განაღმვით სამუშაოებში დაეხმარება და გენერატორებსაც გაუგზავნის.

თავის მხრივ, ზელენსკიმ იტალიიდან დახმარების მეექვსე პაკეტს "ძლიერი" უწოდა.

“პაკეტი ძლიერია. ნამდვილად მივიღებთ SAMP-T-ს - საჰაერო თავდაცვის სერიოზულ სისტემებს, ძვირადღირებულ რაკეტებს, მაგრამ სიცოცხლე ყველაზე ძვირადღირებულია. უნდა ვიცოდეთ, რომ ეს ძალიან სერიოზული ტექნოლოგიებია. ამაზე დიდხანს ვმუშაობდით. იტალიის პრემიერ-მინისტრის პირადმა ლიდერობამ საშუალება მოგვცა ეს სისტემები მიგვეღო”,- განაცხადა ზელენსკიმ.

შეგახსენებთ, რომ იტალიის პრემიერ-მინისტრი, ჯორჯია მელონი კიევში სამუშაო ვიზიტით, გუშინ 21 თებერვალს ჩავიდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს