ევროპის საბჭოს (COE) მხარდაჭერით, პროკურორების, ადვოკატებისა და მოსამართლეების მონაწილეობით მართლმსაჯულების საკოორდინაციო საბჭოს  (Bench & Bar) კიდევ ერთი სამუშაო შეხვედრა გაიმართა.

ღონისძიებაში მონაწილეებმა განიხილეს ნაფიც მსაჯულთა სასამართლოსთან დაკავშირებული კანონმდებლობისა და პრაქტიკის შესაბამისობა ევროპულ სტანდარტებთან. კერძოდ, პროკურორებმა და ადვოკატებმა უცხოელ ექსპერტებთან ერთად იმსჯელეს თუ როგორ უნდა განემარტოთ ნაფიც მსაჯულებს სასამართლო სხდომაზე გამოსაყენებელი კანონი, რა გარემოებები გაითვალისწინება მსაჯულთა შერჩევისას აცილების თაობაზე შუამდგომლობის გადაწყვეტის დროს და რა ხარვეზები გამოიკვეთა მსაჯულთა წინაშე მტკიცებულებების გამოკვლევის პროცესში.

შეხვედრის მიმდინარეობისას საქართველოს გენერალური პროკურატურის  ნაფიც მსაჯულთა სასამართლოს მიერ განსახილველ საქმეებზე ზედამხედველობისა და სახელმწიფო ბრალდების ეფექტიანი მხარდაჭერის დეპარტამენტის უფროსმა ნინო აღლემაშვილმა და ადვოკატთა ასოციაციის ხელმძღვანელმა დავით ასათიანმა ხაზი გაუსვეს პროგრესს, რომელიც ამ მიმართულებით მართლმსაჯულების სისტემას აქვს და მადლობა გადაუხადეს ევროპის საბჭოსა და ამერიკის შეერთებული შტატების საელჩოს წარმომადგენლებს წლების განმავლობაში გაწეული დახმარებისთვის.

შეხვედრის დასასრულს გაიმართა დისკუსია, რა დროსაც აღინიშნა ის ცალკეული საკითხები, რომლებთა გადაწყვეტის მიზნით აუცილებელია სამივე უწყების აქტიური და ინტენსიური თანამშრომლობა.

მართლმსაჯულების საკოორდინაციო საბჭოს (Bench & Bar) მიზანია ხელი შეუწყოს იურიდიული პროფესიის გაძლიერებას, პროფესიათა შორის ურთიერთპატივისცემას, ჯანსაღი კოლეგიალური დამოკიდებულების და საერთო ეთიკური პრინციპების დამკვიდრებას.

ავტორი: NS (სტატია დაფინანსებულია),

სოციალური ქსელები

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი