თურქეთის პროვინცია გაზიანთეპში მდებარე ქალაქი ნურდაგი, რომელიც ძლიერ დაზიანდა მიწისძვრების შედეგად, მთლიანად განადგურდება, იუწყება მედია ადგილობრივი ხელისუფლების განცხადებაზე დაყრდნობით.

ქალაქი გაიწმინდება ნანგრევებისგან და დაზიანებული შენობებიც დაინგრევა. ასევე გაიწმინდება სხვა შენობებისგანაც, რომელიც მიწისძვრის შემდეგ არამყარია. ქალაქში სტიქიამდე იქ დაახლოებით 17 ათასი ადამიანი ცხოვრობდა.

დღესვე ცნობილი გახდა, რომ თურქეთში მიწისძვრის შედეგად დაღუპულთა რიცხვმა 33 ათას ადამიანს გადააჭარბა. ასევე ვრცელდება ინფორმაცია ათიათასობით მსხვერპლის ევაკუაციის შესახებ.

ხალხის ძებნა და ნანგრევების ამოღება გრძელდება.

6 თებერვალს 7,7 მაგნიტუდის მიწისძვრა მოხდა, შემდგომი ბიძგები გაამძაფრა მისი დამანგრეველი შედეგები. ეს იყო ყველაზე საშინელი მიწისძვრა თურქეთში 1939 წლის შემდეგ. თურქეთის მეწარმეობისა და ბიზნესის კონფედერაციის შეფასებით, სტიქიამ ქვეყნის საცხოვრებელ შენობებს ზიანი მიაყენა დაახლოებით 70 მილიარდი დოლარის ოდენობით და კიდევ 10 მილიარდი დოლარი იყო ეროვნული შემოსავლის დაკარგვა.

ძალიან დაზარალდა სირიის ტერიტორიაც - ქვეყნის ხელისუფლება რამდენიმე ათასი დაღუპული და დიდი ნგრევის შესახებ იუწყება.

ავტორი: ექსპრესნიუსი,

სოციალური ქსელები

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება

მჟავანაძე ბრიტანეთის სანქციების შემდეგ - მთლად სახუმაროც არ არის ეს სანქცია, ვერცერთი ბანკი ვერ მომემსახურება