საქართველოს პარლამენტი ჟურნალისტებს ცენზურას უწესებს. 1-ელი მარტიდან აკრედიტაცია მედია საშუალებების განსაზღვრულ ჯგუფს მიეცემა და იმ შემთხვევაში შეუნარჩუნდება, თუ "საპარლამენტო მუშაობას ხელს არ შეუშლიან". 

მედიის შეზღუდვის მორიგი მცდელობა დღეს შალვა პაპუაშვილმა ბიუროს სხდომაზე დააანონსა.

მისი თქმით, აკრედიტებულ ჟურნალისტს პარლამენტის მიერ განსაზღვრული ქცევის წესების შესრულება მოუწევს, კერძოდ: 

• ხელი არ შეუშალოს პარლამენტში მიმდინარე ღონისძიებების მსვლელობას;
• წინასწარი ნებართვის გარეშე არ გადაიღოს პარლამენტის წევრის ან აპარატის თანამშრომლის სამუშაო ოთახი;
• პარლამენტის წევრის, აპარატის თანამშრომლის ან პარლამენტში სტუმრად მყოფი პირის მიერ ინტერვიუს ჩაწერაზე უარის თქმის შემთხვევაში, ინტერვიუს შეწყვიტოს;
• პარლამენტის წევრის, აპარატის თანამშრომლის ან პარლამენტში სტუმრად მყოფი პირის თანხმობის გარეშე არ გადაიღოს მისი დოკუმენტები, ტელეფონის ან სხვა ელექტრონული მოწყობილობის ეკრანი ისე, რომ მასზე გამოსახული ინფორმაციის აღქმა შესაძლებელი იყოს;
• არ დაუშვას მისი მხრიდან პარლამენტში მყოფი პირისადმი უხამსი, სექსისტური, დისკრიმინაციული მიმართვა ან მოქმედება;
• დაემორჩილოს სახელმწიფო დაცვის სამსახურის და მანდატურის მითითებებს;
• სააკრედიტაციო მასალა ატაროს გამოსაჩენ ადგილას და არ გადასცეს სხვა პირს

“აკრედიტაციის წესი ორ ძირითად პრინციპს დაეფუძნება. პირველი ეს არის, რომ ხელი შევუწყოთ მედიას იმისთვის, რომ ყველაფერი, რაც მოქალაქეებისთვის მნიშვნელოვანია გაშუქდეს, საპარლამენტო საქმიანობა გაშუქდეს. მეორეს მხრივ, უზრუნველყოფილი იყოს პარლამენტში სამუშაო გარემო.

იქნება საპარლამენტო ჟურნალისტის აკრედიტაცია, რომელიც მიეცემა იმ მედიის წარმომადგენლებს, რომლეებიც აშუქებენ საპარლამენტო საქმიანობას. მათ ამ აკრედიტაციის პარლამენტში შემოსვლა დაუბრკოლებლად შეეძლებათ. იმის გათვალისწინებით, რომ შეიძლება ცალკეული სიუჟეტი მოსამზადებელი იყოს ან იყოს ისეთი მედია, რომელიც არ არის აკრედიტებული, უცხოურ მედია მაგალითად, იმოქმედებს სპეციალური აკრედიტაცია, რომელიც ერთი დღის განმავლობაში სპეციალურად სიუჟეტის, მასალის მოსამზადებლად იმოქმედებს.

არის რაოდენობები დადგენილია - დიდ მედიებს, მაუწყებლებს, რომელთაც ეროვნული მაუწყებლობა აქვთ, შვიდი გადამღები ჯგუფის აკრედიტირების შესაძლებლობა ექნებათ. სხვა ტელევიზიებს - სამი გადამღები ჯგუფის. ჯგუფში შედის, როგორც ჟურნალისტი, ასევე ოპერატორი და ტექნიკური პერსონალი. გაზეთებისთვის და ჟურნალებისთვის - ორი ჟურნალისტი, რადიო - ორი, ონლაინ გამოცემა - ოთხი“, - განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია