7,8 მაგნიტუდის მიწისძვრის შედეგად, თურქეთის სამხრეთ-აღმოსავლეთ პროვინცია კაჰრამანმარაშის პაზარჯიკის რაიონში, 6 თებერვალს დილის 06:30 საათისთვის, ქვეყნის ათ პროვინციაში დაიღუპა 284 ადამიანი, დაშავდა სულ მცირე 2323 ადამიანი. როგორც სააგენტო ანადოღლუ იუწყება მსხვერპლი შესაძლოა ბევრად გაიზარდოს.

ბიძგები იგრძნობოდა მიმდებარე პროვინციებში, ძირითადად ჰატაიში, ოსმანიაში, ადიამანში, გაზიანთეპში, შანლიურფაში, დიარბაქირში, მალატიასა და ადანაში. თურქეთმა საფრთხის უმაღლესი დონე გამოაცხადა. ხელისუფლებამ მიმართა საერთაშორისო დახმარებას.

თურქეთის შეიარაღებული ძალების გენერალურმა შტაბმა სტიქიის ზონაში დახმარებისა და სამაშველო ჯგუფების გადასაყვანად ორი თვითმფრინავი გამოყო. თურქეთის პრეზიდენტმა რეჯეფ თაიფ ერდოღანმა სატელეფონო საუბარი გამართა ადანას, მალატიის, გაზიანთეპის, დიარბაქირის, ჰატაის, ადიამანის, ოსმანიესა და შანლიურფას პროვინციების გუბერნატორებთან.

სახელმწიფოს მეთაურს მიწისძვრის შედეგები და სამძებრო-სამაშველო სამუშაოების მიმდინარეობა ეცნობა. დამანგრეველი მიწისძვრა თურქეთში იგრძნობოდა აგრეთვე მეზობელ ქვეყნებში, მათ შორის სირიაში, ლიბანში, TRNC, ბერძნულ კვიპროსსა და ერაყში.

ბოლო მონაცემებით, სულ მცირე ასი ადამიანი დაიღუპა სირიის პროვინციებში იდლიბში, ალეპოში, ჰამაში, ლატაკიასა და რაქაში, ასობით ადამიანის ძებნა გრძელდება.

ავტორი: ექსპრესნიუსი,

სოციალური ქსელები

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება