იმ შემთხვევაში, თუ მე არ გავხდი პარტიის თავმჯდომარე - ეს პარტია იშლება, - განაცხადა "ნაციონალური მოძრაობის" თავმჯდომარეობის კანდიდატმა, ნონა მამულაშვილმა ტელეკომპანია "ფორმულას" ეთერში.

მისივე თქმით, მხარეები ისე არიან დაპირისპირებულები, რომ მათი ერთობის დანახვა არჩევნების შემდეგ რთული იქნება, ნონა მამულაშვილი კი იქნება გარანტორი, რომ ყველა ადამიანი, ვინც მონაწილეობს ამ არჩევნებში თავის ადგილს შეინარჩუნებს პარტიაში.

მან დასძინა, რომ ყველა გამოკითხვაში, ლიდერობს და მოლოდინებიც შესაბამისად გამარჯვების აქვს.

"იმ შემთხვევაში, თუ მე არ გავხდი პარტიის თავმჯდომარე - ეს პარტია იშლება. ვხედავთ, რომ მხარეები ისე არიან დაპირისპირებულნი რომ ძალიან გაგვიჭირდება დავინახოთ ამ ადამიანების ერთობა, მიუხედავად იმისა რა რიტორიკა აქვთ. დღევანდელი გადმოსახედიდან, იმ დაპირისპირებას, რომელსაც ჩვენ ვუყურებთ, მე ვფიქრობ, რომ ამ ადამიანებს ძალიან გაუჭირდებათ... მე ვიქნები გარანტორი იმის, რომ ყველა, ვინც მონაწილეობს ამ პროცესში, შეინარჩუნებს [პარტიაში ადგილს]... "თუ"-ს არ განვიხილავ... თუ შეგვიძლია გადავხედოთ სოცმედიაში კვლევებს, ყველა მონაცემებით, ვერ ვიტყვი მაქვს 60% თუ 70%, არ შემიძლია სპეკულირება, მაგრამ ყველას შეუძლია ნახოს, რომ ყველა გამოკითხვაში ვლიდერობ. ამიტომ, შესაბამისი მოლოდინიც მაქვს. დაველოდოთ ხვალ, ზეგ, ამომრჩეველი გადაწყვეტს, დიდი იმედი მაქვს გამარჯვების", - განაცხადა მამულაშვილმა.

შეგახსენებთ, პარტიის თავმჯდომარის არჩევნების ჩატარების დღედ 2023 წლის 28-29 იანვარი განისაზღვრა, პარტიის თავმჯდომარეობისთვის ოთხი კანდიდატი - ნიკა მელია, ლევან ხაბეიშვილი, გიორგი მუმლაძე და ნონა მამულაშვილი იბრძოლებენ.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს