მარია ბურიჩმა დადებითად შეაფასა საქართველოში მიმდინარე რეფორმები, რომლებიც, მათ შორის, უკავშირდება 12 პუნქტით გათვალისწინებული პირობების შესრულებას, – ამის შესახებ საპარლამენტო უმრავლესობის ლიდერმა, პარტია „ქართული ოცნების“ თავმჯდომარემ, ირაკლი კობახიძემ ევროპის საბჭოს გენერალურ მდივანთან, მარია ბურიჩთან შეხვედრის შემდეგ განაცხადა.

მისივე თქმით,  ევროსაბჭო ძალიან აქტიურად მუშაობს, რათა საქართველოს ინტერესები იყოს სათანადოდ გატარებული, აქედან გამომდინარე მზადდება სპეციალური, რამდენიმეწლიანი სამოქმედო გეგმა საქართველოსთვის, რაშიც აქტიურად არის ჩართული გენერალური მდივანი.

„ძალიან საინტერესო შეხვედრა იყო, ძალიან მეგობრული. შევეხეთ ყველა თემას, რომლებიც დაკავშირებულია საქართველოსა და ევროსაბჭოს თანამშრომლობასთან, ურთიერთობებთან, ჩვენი დელეგაციის მუშაობასთან. ევროსაბჭო ძალიან აქტიურად მუშაობს, რათა საქართველოს ინტერესები იყოს სათანადოდ გატარებული. მზადდება სპეციალური, რამდენიმეწლიანი სამოქმედო გეგმა საქართველოსთვის, რაშიც აქტიურად არის ჩართული გენერალური მდივანი. შევეხეთ ყველა ასპექტს იმ თანამშრომლობისა, რომელიც არის დაკავშირებული ჩვენს ურთიერთობებთან. ასევე, მიმოვიხილეთ საქართველოსა და რეგიონში მიმდინარე პროცესები, ვისაუბრეთ უსაფრთხოებასთან დაკავშირებულ საკითხებზე. ყველა იმ თემაზე, რომლებიც უკავშირდება ჩვენი ქვეყნის განვითარებას, ძალიან საინტერესო დისკუსია შედგა. ქალბატონმა ბურიჩმა დადებითად შეაფასა საქართველოში მიმდინარე რეფორმები, რომლებიც, მათ შორის, უკავშირდება 12 პუნქტით გათვალისწინებული პირობების შესრულებას და ასევე გამოთქვა მხარდაჭერის სურვილი ყველა შემდგომ რეფორმასთან დაკავშირებით, რაც, მათ შორის, ევროკავშირში ინტეგრაციასთან არის დაკავშირებული. ჩვენთვის მნიშვნელოვანი იყო ამ დადებითი გზავნილის მიღება ქალბატონი ბურიჩისგან“, – განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს