ალბათ ქართველების უმეტესობას ურჩევნია მოისმინოს ის, რომ რუსეთის ჯარები ტოვებენ საქართველოს ტერიტორიას და რომ რუსეთი ემორჩილება 2008 წლის ცეცხლის შეწყვეტის შეთანხმებას, ვიდრე პირდაპირი ფრენების აღდგენა,- ასე გამოეხმაურა აშშ-ის ელჩი საქართველოში, კელი დეგნანი რუსეთის საგარეო საქმეთა მინისტრის, სერგეი ლავროვის განცხადებას, რომ რუსეთი საქართველოსთან პირდაპირი ფრენების განახლებას მალე შეძლებს.

დეგნანის თქმით, აშშ მჭიდროდ თანამშრომლობს საქართველოს საბაჟოსთან, სასაზღვრო პოლიციასთან და ყველა უწყებასთან, რათა მას ჰქონდეს სრული შესაძლებლობა, რომ დაემორჩილოს საერთაშორისო სანქციებს.

„როდესაც გადახედავთ საქართველოს ისტორიას, დავინახავთ, რომ ის სავსეა რუსეთის მხრიდან დარღვეული პირობებით, მცდელობით, რომ საქართველოსთვის წაერთმიათ იდენტობა, სუვერენიტეტი, დამოუკიდებლობა და ჩემი აზრით, ალბათ ქართველების უმეტესობას ურჩევნია მოისმინოს ის, რომ რუსეთის ჯარები ტოვებენ საქართველოს ტერიტორიას და რომ რუსეთი ემორჩილება 2008 წლის ცეცხლის შეწყვეტის შეთანხმებას, ვიდრე პირდაპირი ფრენების აღდგენა.

მე არ მგონია, რომ იმ ქართველ ოჯახებს, ვინც ცხოვრობს რუსეთში, არ შეუძლიათ საქართველოში დაბრუნება, თუმცა ვხედავთ, რომ ძალიან ბევრი რუსი ჩამოდის საქართველოში.

ჩვენ მჭიდროდ ვთანამშრომლობთ საქართველოს საბაჟოსთან, სასაზღვრო პოლიციასთან და ყველა უწყებასთან, იმისთვის, რომ დავეხმაროთ საქართველოს, რომ მას ჰქონდეს სრული შესაძლებლობა, რომ დაემორჩილოს საერთაშორისო სანქციებს. ასევე ძალიან მნიშვნელოვანი შესაძლებლობა იხსნება საქართველოში, რომ გახდეს დერეფანი ტვირთ გადაზიდვის შუა აზიიდან ევროპამდე“,- განაცხადა დეგნანმა.

შეგახსენებთ, რომ  რუსეთის საგარეო საქმეთა მინისტრმა სერგეი ლავროვმა იმედი გამოთქვა, რომ საქართველოსთან პირდაპირი ფრენები მალე აღდგება.

ფრენების შეწყვეტის შესახებ ბრძანება რუსეთის პრეზიდენტმა, ვლადიმერ პუტინმა 2019 წლის 21 ივნისს გამოსცა. ამის მიზეზი კი, საქართველოში 2019 წლის ივნისში მიმდინარე ანტისაოკუპაციო აქციები გახდა.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს