ომის დაწყებიდან დღემდე, ევროკავშირისა და მისი წევრი ქვეყნების მიერ უკრაინისთვის გაწეული დახმარება 50 მილიარდ ევროს შეადგენს, რაც ევროპას კიევის ფინანსური და სამხედრო მხარდაჭერის უდიდეს წყაროდ აქცევს.

როგორც ევროპარლამენტის პლენარულ სესიაზე გამართულ დებატებზე საგარეო პოლიტიკის საკითხებში ევროკავშირის უმაღლესმა წარმომადგენელმა ჯოზეფ ბორელმა განაცხადა, რომ ფინანსური დახმარება სამხედრო და ჰუმანიტარულ რესურსში გადანაწილდა. 

"ევროპა უნდა დაეხმაროს უკრაინას დაიცვას თავი აგრესიისგან, რომელსაც ის განიცდის. მე დიდ ძალისხმევას ვდებ იმისთვის, რომ ეს შესაძლებელი ყოფილიყო. ეს ჩვენ პირველ ადგილზე გვაყენებს ქვეყნებს შორის უკრაინისთვის გაწეული დახმარების ოდენობით, აშშ-ზე წინ“, - განუცხადა მან ევროპარლამენტარებს.

ამავე დროს, ბორელი თვლის, რომ ეს დახმარება "საკმარისია", მანამ სანამ უკრაინა კვლავ განიცდის რუსული არმიის სისტემატურ თავდასხმებს.

"ჩვენ მოგვიწევს მხარი დავუჭიროთ უკრაინას და არა მხოლოდ სამხედრო თვალსაზრისით. მოლაპარაკებების კარი ღია უნდა იყოს“, - განაცხადა ევროკავშირის დიპლომატიის ხელმძღვანელმა.

მან ასევე ხაზგასმით აღნიშნა, რომ ევროკავშირს, გარდა იმისა, რომ არის კომერციული ძალა და ადამიანის უფლებების დასაყრდენი, უნდა შეეძლოს „მყარი ძალის“ გამოყენება საჭიროების შემთხვევაში და შეეძლოს გავლენა მოახდინოს საერთაშორისო ასპარეზზე.

შეგახსენებთ, რომ გუშინ უკრაინამ ევროკავშირის 18 მილიარდი ევროს მაკროფინანსური პროგრამიდან პირველი ტრანში, 3 მილიარდი ევრო მიიღო. 

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა