დარწმუნებული ვარ ეს არის პროვოკაცია, რადგან, ადამიანმა დაიწყო ლაპარაკი რომ ფულის საშოვნელად უნდოდა უკრაინაში ჩამოსვლა და არა იდეოლოგიური მოსაზრებების გამო, - ასე გამოეხმაურა ქართული ლეგიონის მეთაური, მამუკა მამულაშვილი ბელარუსში გიორგი ზირაქიშვილის დაკავებას.

მისივე თქმით, ყველა იმ ადამიანს, რომელიც ქართულ ლეგიონში გაწევრიანებისთვის ჩადის უკრაინაში, ეძლევა სპეციალური მითითება, რომ უკრაინის ტერიტორიაზე შევიდნენ მხოლოდ მეგობრული ქვეყნებიდან. ხოლო აღნიშნულ შემთხვევაში, მისი გვარი არავინ არ იცოდა.

"ველაპარაკეთ ჩვენ რეკრუტირების ჯგუფსაც, არავინ არ იცის ეგ გვარი - ეს ერთი. მეორე, ადამიანს მგონი თვითონ უნდა ეყოს შეგნება, რომ ფაქტობრივად მტრის ქვეყნიდან არ დააპიროს შემოსვლა უკრაინაში. არ ვიცი მე ეს ადამიანი მოდიოდა ჩვენთან, არ მოდიოდა ჩვენთან შეიძლება იყოს პროვოკაცია ჩვენს წინააღმდეგ, მაგასაც არ გამოვრიცხავთ, მაგრამ ყოველშემთხვევაში ადამიანები, როდესაც ავსებენ ანკეტას ქართულ ლეგიონში, ეძლევათ სპეციალური მითითება, რომ უკრაინის ტერიტორიაზე შემოვიდნენ მხოლოდ მეგობრული ქვეყნებიდან. დარწმუნებული ვარ ეს არის პროვოკაცია, რადგან, ადამიანმა დაიწყო ლაპარაკი რომ ფულის საშოვნელად უნდოდა უკრაინაში ჩამოსვლა და არა იდეოლოგიური მოსაზრებების გამო", - განაცხადა მამულაშვილმა.

"ბელარუს 1"- ის ცნობით, ბელარუსში დააკავეს საქართველოს მოქალაქე, რომელსაც უკრაინაში საბრძოლველად წასვლა სურდა. საქართველოში ყოფნისას, ზირაქაშვილმა ქართულ ლეგიონში გაწევრიანება და უკრაინის მხარეზე ბრძოლა გადაწყვიტა, საელჩომ კი, ურჩია უკრაინაში ბელარუსის, პოლონეთის ან მოლდოვის გავლით წასულიყო.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს