რუსეთის უშიშროების ფედერალური სამსახურის ФСБ-ს ოფიცრებმა საქართველოს საზღვარზე, ზემო-ლარსის გამშვებ პუნქტთან დსთ-ის ერთ-ერთ ქვეყნის მოქალაქე დააკავეს, რომელსაც ბრალად უკრაინის სასარგებლოდ ჯაშუშობა ედება. აღნიშნულის შესახებ ინფორმაციას რუსული მედია ავრცელებს.

მათი ცნობით, დაკავებული პირი 28 წლისაა, თუმცა გამოცემა არ აკონკრეტებს თუ რომელი ქვეყნის მოქალაქეა დაკავებული ან რომელი ქვეყნის საზღვრის გადაკვეთისას დააკავეს იგი.

„ჩრდილოეთ ოსეთ-ალანიაში რუსეთის ФСБ -ის მიერ განხორციელებული ოპერატიულ-სამძებრო სამუშაოების ფარგლებში გამოვლინდა ჯაშუშობაში ჩართული დსთ-ს ერთ-ერთი ქვეყნის 28 წლის მოქალაქის უკანონო ქმედება“, - ნათქვამია განცხადებაში.

მათივე ცნობით, დაკავებულის მობილურ ტელეფონში აღმოჩენილი იქნა მიმოწერა, რომლის თანახმადაც, დაკავებული ფოტოებს და ვიდეოებს უღებდა რუსულ სამხედრო ტექნიკას და ინფორმაციას უკრაინულ მხარეს აწვდიდა.

„ამ უკანასკნელმა მიაწოდა მობილურ მოწყობილობაში შენახული კორესპონდენცია, რომლის შინაარსიდან გამომდინარეობდა, რომ მან უკრაინულ მხარეს გადასცა ინფორმაცია რუსეთის შეიარაღებული ძალების სამხედრო ტექნიკის ადგილმდებარეობის შესახებ“,- ვკითხულობთ განცხადებაში.

დაკავებულის წინააღმდეგ საქმე რუსეთის ფედერაციის სისხლის სამართლის კოდექსის 276-ე მუხლით (ჯაშუშობა) აღიძრა.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს