2023-01-16 23:43:59, 1645 ნახვა

---

ზელენსკი ბრიტანეთის დახმარებაზე - ტანკები, ჯავშანტექნიკა და არტილერია არის ის, რაც უკრაინას ტერიტორიული მთლიანობის აღსადგენად სჭირდება

ტანკები, ჯავშანტექნიკა და არტილერია არის ზუსტად ის, რაც უკრაინას ტერიტორიული მთლიანობის აღსადგენად სჭირდება, - ასე გამოეხმაურა უკრაინის პრეზიდენტი ვოლოდიმირ ზელენსკი დიდი ბრიტანეთის სამხედრო დახმარების ახალ პაკეტს.

მისივე თქმით, დიდ ბრიტანეთს ტირანიის წინააღმდეგ ბრძოლასა და გამარჯვებაში დიდი წვლილი მიუძღვის, და მადლობელია იმ დახმარებისთვის, რასაც უკრაინა ბრიტანეთისგან იღებს.

"ტანკები, ჯავშანტექნიკა და არტილერია არის ზუსტად ის, რაც უკრაინას ტერიტორიული მთლიანობის აღსადგენად სჭირდება. გმადლობთ, ბრიტანელებო, ამ ტირანიის წინააღმდეგ საერთო გამარჯვებაში ძლიერი წვლილისთვის " - წერს ზელენსკი.

შეგახსენებთ, ბრიტანეთის თავდაცვის მდივანმა ბენ უოლესმა თემთა პალატაში სიტყვით გამოსვლისას განაცხადა , რომ რუსეთი უკრაინაში ახალ შეტევას ამზადებს, შესაბამისად, დიდი ბრიტანეთი კიევს Challenger 2-ის ტანკებსა და ჯავშანტექნიკას გაუგზავნის.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი