საქართველოს პრეზიდენტი სალომე ზურაბიშვილი უკრაინის ქალაქ დნეპრის საცხოვრებელ კორპუსზე განხორციელებულ თავდასხმას სოციალურ ქსელში ეხმიანება. 

როგორც ზურაბიშვილი წერს, მშვიდობიანი მოსახლეობის მიმართ ძალადობის მიუღებელი გამოვლენა საერთაშორისო სამართლის ყველა ნორმის დარღვევაა. 

“კატეგორიულად ვგმობ სასტიკ თავდასხმას საცხოვრებელ შენობაზე დნეპრში, უკრაინა.  მშვიდობიანი მოსახლეობის მიმართ ძალადობის მიუღებელი გამოვლენა, რაც საერთაშორისო სამართლის ყველა ნორმის დარღვევაა.ჩვენ ვდგავართ მათ გვერდით, ვინც დაკარგა საყვარელი ადამიანები დნეპრსა და მთელ უკრაინაში”, - წერს სალომე ზურაბიშვილი. 

ცნობისთვის, გუშინ, 14 იანვარს რუსეთმა უკრაინის ქალაქებზე სარაკეტო იერიში განახორციელა. 

ამავე დროს, დნეპრში, რუსმა ოკუპანტებმა მაღალსართულიანი კორპუსი დაბომბეს, რომელშიც დაახლოებით 1700 ადამიანი ცხოვრობდა. ბოლო მონაცემებით, საცხოვრებელი კორპუსის ნანგრევებიდან საგანგებო სიტუაციების მართვის სამსახურის თანამშრომლებმა 18 ადამიანის ცხედარი ამოიყვანეს, დაშავებულია 73 ადამიანი, მათ შორის 14 ბავშვია

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს