გერმანიის თავდაცვის მინისტრმა კრისტინა ლამბრეხტმა საკუთარი ნებით გადადგომა გადაწყვიტა, წერს Bild რამდენიმე წყაროზე დაყრდნობით.

გადადგომის თარიღის საკითხი ჯერ არ არის გადაწყვეტილი, ხელისუფლება სამხედრო დეპარტამენტის უფროსის თანამდებობაზე ახალ კანდიდატს ეძებს, აღნიშნავს გაზეთი.

ლამბრეხტს საყვედურობდნენ კიევისთვის არასაკმარისი მხარდაჭერისთვის. მას ასევე ადანაშაულებდნენ არმიის რეფორმის გაჭიანურებაში, გერმანიის სამხედრო საცავებში საბრძოლო მასალისა და რაკეტების ნაკლებობაში.

გერმანული მედიის ცნობით, ბოლოს ის გააკრიტიკეს საახალწლო ვიდეოზე წლის შედეგებით, რომელიც მან ინსტაგრამზე გამოაქვეყნა. ვიდეოში უკრაინა ნახსენები არ იყო. „ომი მძვინვარებს შუა ევროპაში. და ეს ნიშნავდა ჩემთვის უამრავ განსაკუთრებულ გამოცდილებას, რომლის მიღებაც შევძელი. ბევრი,  შეხვედრა მქონდა საინტერესო, შესანიშნავ ადამიანებთან“, - ამბობს თავდაცვის სამინისტროს ხელმძღვანელი ვიდეოში. ფედერალურ მთავრობას ამ განცხადებაზე კომენტარი არ გაუკეთებია.

შეგახსენებთ, გასული წლის აპრილში, გერმანიის ბუნდესტაგმა უმრავლესობით დაამტკიცა უკრაინას მძიმე იარაღისა და დახვეწილი იარაღის სისტემების მიწოდება.

ავტორი: ექსპრესნიუსი,

სოციალური ქსელები

ბურჭულაძე: ოცნებასთან საპროცესო არა მონანიება, არამედ უკანონო პატიმრობისგან გათავისუფლებაა

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა