შვედეთში აღმოაჩინეს იშვიათი მეტალების უდიდესი საბადო, რომელიც შეიძლება გამოყენებული იქნას მობილური ტელეფონებისა და რაკეტების წარმოებისათვის. 

ამჟამად ევროპაში მსგავსი მეტალები არ მოიპოვება. შვედი მინისტრი მიესალმა აღმოჩენას და დასძინა, რომ საბადო შეიძლება გამოყენებული იქნას ევროკავშირის მიერ ჩინეთზე დამოკიდებულების შესამცირებლად.

2021 წელს ევროკავშირში გამოყენებული იშვიათი მეტალების დაახლოებით 98% ჩინეთიდან იყო იმპორტირებული.

გავრცელებული ინფორმაციით, შვედეთში აღმოჩენილ საბადოში მილიონ ტონაზე მეტი მეტალი ინახება. 

ამ მეტალებზე მოთხოვნა 2030 წლისთვის, სავარაუდოდ, ხუთჯერ გაიზრდება. 

​"ლითიუმი და იშვიათი მეტალები მალე უფრო მნიშვნელოვანი გახდება, ვიდრე ნავთობი და გაზი". - თქვა ევროკავშირის შიდა ბაზრის კომისარმა, ტიერი ბრეტონმა გასულ წელს.

ხუთშაბათს გამართულ პრესკონფერენციაზე სიტყვით გამოსვლისას შვედეთის ენერგეტიკის მინისტრმა ება ბუშმა თქვა, რომ ევროკავშირი "ზედმეტად არის დამოკიდებული სხვა ქვეყნებზე ამ მასალებისთვის" და დაჟინებით მოითხოვდა ცვლილებას.

თუმცა, ახლად აღმოჩენილი ნედლეული შესაძლოა ბაზარზე 10-15 წლამდე ვერ მოხვდეს, რადგან გარემოსდაცვითი რისკის შეფასების გამო ნებართვის პროცესებს დრო სჭირდება, თუმცა კომპანია LKAB-ის აღმასრულებელი დირექტორი, იან მოსტრომი სახელმწიფოს პროცესების დაჩქარებისკენ მოუწოდებს. 

ავტორი: ექსპრესნიუსი,

სოციალური ქსელები

რასა იუკნევიჩიენე - საქართველოს ბიძინიზაცია დამარცხდება, სანქციები აუცილებელია ივანიშვილისა და ყველა პასუხისმგებელი პირის წინააღმდეგ

ბურჭულაძე: ოცნებასთან საპროცესო არა მონანიება, არამედ უკანონო პატიმრობისგან გათავისუფლებაა

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს