უკრაინა გახდა ნატოს წევრი დე ფაქტო, მაგრამ არა დე იურე,- ამის შესახებ უკრაინის თავდაცვის მინისტრმა, ოლექსეი რეზნიკოვმა BBC-თან ინტერვიუში განაცხადა.

მისი თქმით, ასეთი სიტყვები ორაზროვანად შეიძლება ჩაითვალოს არა მხოლოდ რუსეთში, არამედ თავად ნატოშიც - ვინაიდან ჩრდილოატლანტიკურ ალიანსს არ სურს ომის მონაწილედ ჩაითვალოს.

"უკრაინა, როგორც ქვეყანა და უკრაინის შეიარაღებული ძალები ნატოს წევრები გახდნენ - დე ფაქტო, მაგრამ არა დე იურე. იმიტომ, რომ ჩვენ გვაქვს იარაღი და გვესმის, როგორ გამოვიყენოთ ისინი, დარწმუნებული ვარ, უახლოეს მომავალში ჩვენ გავხდებით ნატოს დე იურე წევრები",- განაცხადა რეზნიკოვმა.

რეზნიკოვმა ასევე გამოთქვა რწმენა, რომ უკრაინა დასავლეთიდან მიიღებს ტანკებს, თვითმფრინავებს და შორ მანძილზე მოქმედ რაკეტებს. 

ამასთან, მან ხაზგასმით აღნიშნა, რომ დასავლეთის ზოგიერთმა ქვეყანამ უკვე დაიწყო დამოკიდებულების შეცვლა კიევისთვის იარაღის მიწოდების მიმართ.

აღსანიშნავია, რომ თავად ნატო ამტკიცებს, რომ ის არ იღებს მონაწილეობას კონფლიქტში და იარაღის მიწოდებას უკრაინაში მხოლოდ თავდაცვის ალიანსის ცალკეული წევრები ახორციელებენ.

ამავე დროს, ნატოს წარმომადგენლებმა უკრაინას მხარდაჭერა გამოუცხადეს და მკაცრად დაგმეს რუსეთის ქმედებები.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა