თურქეთის პრეზიდენტი რეჯეფ თაიფ ერდოღანი უკრაინისა და რუსეთის პრეზიდენტებთან ჰუმანიტარული დერეფნის გახსნის საკითხს განიხილავს. ამის შესახებ თურქეთის ომბუდსმენმა შერეფ მალკოჩმა განაცხადა.

მისივე თქმით, სატელეფონო საუბარი ვოლოდიმირ ზელენსკისთან და ვლადიმერ პუტინთან დღეს ან ხვალ გაიმართება.

„გვსურს ძალისხმევა გამოვიჩინოთ, რომ გავხსნათ ჰუმანიტარული დერეფანი, მე შევთავაზე ეს ჩვენს პრეზიდენტს. ის მიესალმა ამას. მათ დაიწყეს საჭირო სამუშაოები ჩვენი პრეზიდენტის ხელმძღვანელობით. მინდა ვთქვა, რომ გვექნება შეხვედრა გარკვეული გაგებით“, - თქვა მალკოხმა.

შეგახსენებთ, რომ 5 იანვარს უკრაინის პრეზიდენტმა სატელეფონო საუბარი გამართა ერდოღანთან. ვოლოდიმირ ზელენსკიმ თურქეთს პრეზიდენტს ფრონტზე ესკალაციის რისკებზე და უკრაინის შეიარაღებული ძალების შემდგომი გაძლიერების აუცილებლობაზე ესაუბრა. 

მათ ასევე განიხილეს თურქეთის შუამავლობით სამხედრო ტყვეების გაცვლა.

იმავე დღეს თურქეთის პრეზიდენტს სატელეფონო საუბარი ჰქონდა პუტინთან. მან რუსეთის პრეზიდენტს მოუწოდა უკრაინაში "ცალმხრივი" ცეცხლის შეწყვეტის შესახებ. 

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა