სამხედრო-სამრეწველო ბაზის უუნარობა დაძლიოს საბრძოლო მასალის დეფიციტი, ხელს შეუშლის რუსეთის ჯარების შესაძლებლობას მხარი დაუჭირონ შეტევითი ოპერაციების აღმოსავლეთ უკრაინაში 2023 წელს,- აღნიშნულის შესახებ ინფორმაციას ამერიკული „ომის შესწავლის ინსტიტუტის“ (ISW) ავრცელებს.

ანალიტიკოსების თქმით, რუსეთის საარტილერიო ცეცხლის ყოველდღიური ინტენსივობა ზოგიერთ რაიონში 75%-ით შემცირდა, რაც ისტორიულად დაბალი მაჩვენებელია უკრაინაში რუსეთის სრულმასშტაბიანი შეჭრის დაწყებიდან, 2022 წლის 24 თებერვლიდან.

"რუსულმა ჯარებმა შემცირებული მარაგების გამო, სავარაუდოდ, შეამცირეს დაბომბვა, ან გადაიხედეს ტაქტიკას. ამასთან, რუსულმა ძალებმა ადრე ამოწურეს თავიანთი 122 მმ და 152 მმ კალიბრის საარტილერიო ჭურვების და სხვა საბრძოლო მასალის რეზერვები 2022 წლის ზაფხულში, იმ ვარაუდით, რომ გადაჭარბებული საარტილერიო ცეცხლი უფრო სწრაფ შედეგებს გამოიწვევდა.

რუსულმა  ძალებმა ახლა უნდა გადაიტანონ დამატებითი ჭურვები და შეიძინონ დამატებითი საბრძოლო მასალა უცხო ქვეყნებიდან, რათა თავიდან აიცილონ ასეთი დეფიციტი, რაც გამოიწვევს ცეცხლის შემცირებულ ტემპს“ - აცხადებენ ISW-ში.

მათივე ცნობით, რუსეთში სულ უფრო და უფრო აღიარებულია, ფუნდამენტური პრობლემები, როგორიცაა საბრძოლო მასალის ნაკლებობა და ჯარების მიწოდების შეუძლებლობა, სერიოზულად აფერხებს შეტევითი ოპერაციების ჩატარებას.

ავტორი: ექსპრესნიუსი,

სოციალური ქსელები

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს