"ხალხის ძალა" არის ჩხრიალა გველის კუდი, რომ მასზე გადავიტანოთ ყურადღება და თავი -"ქართული ოცნება" გადარჩეს, - ასე ეხმაურება "სტრატეგია აღმაშენებლის" დეპუტატი პაატა მანჯგალაძე საქართველოში უკრაინის საქმეთა დროებით რწმუნებულთან დაკავშირებით "ხალხის ძალის" განცხადებას.

როგორც მანჯგალაძემ მედიის წარმომადგენლებთან საუბრისას აღნიშნა, მაშინ, როდესაც "უკრაინა ომში საქართველოს საქმეს აკეთებს", იარაღზე საომარ მდგომარეობაში მყოფი ქვეყნის  თხოვნას აჟიოტაჟი მოჰყვა.

"არსებობს ასეთი გველის სახეობა - ჩხრიალა გველი, რომელიც საფრთხის დანახვისას თავი რომ გადაირჩინოს, გამოყოფს კუდს და დაიწყებს ჩხრიალს. ასეთი კუდია "ხალხის ძალა" ქართულ პოლიტიკაში, რომ კუდზე გადავიტანოთ ყურადღება და თავი გადარჩეს. თავი არის "ქართული ოცნება". 100-ზე მეტ მეგობარ ქვეყანას შეეთავაზა უკრაინის მხრიდან, რომ რით შეგიძლიათ ომში მყოფ ქვეყანას დაგვეხმაროთ - მათ შორის იარაღით, მათ შორის ჰუმანიტარული ტვირთებით და ა.შ. რატომ მოჰყვა ამას ასეთი აჟიოტაჟი. ჩვენ ხომ ვიცით, რომ უკრაინა საქართველოს საქმეს აკეთებს; ჩვენ ხომ ვიცით, რომ უკრაინის გამარჯვება არის საქართველოს გამარჯვება", - განაცხადა პაატა მანჯგალაძემ.

ცნობისთვის, დღეს, 11 იანვარს "ხალხის ძალა" საქართველოში უკრაინის საქმეთა დროებით რწმუნებულის განცხადებებს გამოეხმაურა და აღნიშნა, რომ ანდრეი კასიანოვმა საქართველოს ომში ჩართვაზე, აშშ-ს მიმართ ბრალდება გაახმოვანა. ანტიდასავლურმა მოძრაობამ სთხოვა ამერიკის შეერთებული შტატების ელჩს, რომ უარყოს ან დაადასტუროს საქართველოში უკრაინის საქმეთა დროებითი რწმუნებულის განცხადება, წინააღმდეგ შემთხვევაში, როგორც მოძრაობის განცხადებაშია ნათქვამი, "საზოგადოება ჩათვლის, რომ დუმილი ამ შემთხვევაშიც თანხმობის ნიშანია".

რაც შეეხება კასიანოვის განცხადებას, უკრაინის წარმომადგენელმა მიმდინარე კვირაში თქვა, რომ უკრაინამ საქართველოს 2008 წლის ომის დროს გადაცემული „ბუკის“ სისტემების დაბრუნება და აშშ-ის მიერ საქართველოსთვის გადაცემულ „ჯაველინის“ ტანკსაწინააღმდეგო სისტემების გადაცემა სთხოვა, რაზეც უარი მიიღო. 

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს