რუსეთის დაქირავებული ჯგუფის "ვაგნერის" ხელმძღვანელის, ევგენი პრიგოჟინის ინფორმაციით, მისმა ძალებმა უკრაინის ქალაქ სოლედარის აღება დაასრულეს. აღნიშნულის შესახებ The Guardian-ი წერს.

Guardian-ის ცნობით, ამ ინფორმაციის დადასტურების შემთხვევაში ეს მოსკოვის პირველი და მთავარი წარმატებაა ბრძოლის ველზე გასული ზაფხულიდან მოყოლებული.

"ვაგნერის ქვედანაყოფებმა აიღეს სოლედარის მთელი ტერიტორია",- განაცხადა პროგოჟინმა.

მისივე თქმით, უკრაინული ჯარები ქალაქის ცენტრში ალყაში იყვნენ და "მიმდინარეობს ქუჩის ბრძოლები".

ამასთან, როგორც დენის პუშლინმა, რუსის მიერ დანიშნულმა ჩინოვნიკმა აღმოსავლეთ უკრაინაში, რუსეთის პირველ არხს განუცხადა, სოლედარის ცენტრი უკვე ვაგნერის ქვედანაყოფების კონტროლის ქვეშაა“.

ამასთან, პრიგოჟინმა გამოაქვეყნა საკუთარი ფოტო, სადაც ის მარილის მაღაროში, „ვაგნერის“ მებრძოლებით გარშემორტყმული იმყოფება.

The Guardian-ი წერს, რომ ეს, შესაძლოა, მიზანმიმართული პასუხი იყო აშშ-ის ოფიციალური პირებისთვის, რომლებიც ბოლო დღეებში საჯაროდ აცხადებდნენ, რომ პრიგოჟინი დაინტერესებულია მარილისა და თაბაშირის მაღაროების ხელში ჩაგდებით.

ავტორი: ექსპრესნიუსი,

სოციალური ქსელები

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს