"საგარეო საქმეთა სამინისტრო ამ დრომდე ვერ ადასტურებს ცნობილი ქართველი ტრანსგენდერის ლიზა ქისტაურის გარდაცვალების ფაქტს - ამის შესახებ, "ექსპრესნიუსს" საგარეო საქმეთა სამინისტროში განუცხადეს. 

როგორც "ექსპრესნიუსს" საგარეო უწყებაში უთხრეს, საქართველოს კონსული ბელგიაში მუდმივ კავშირზეა ბელგიელ სამართალდამცველებთან.

"საქართველოს კონსული ბელგიაში მუდმივ კავშირზეა ბელგიელ სამართალდამცველებთან. საგარეო საქმეთა სამინისტრო ამ დრომდე ვერ ადასტურებს ცნობილი ქართველი ტრანსგენდერის ლიზა ქისტაურის გარდაცვალების ფაქტს. დიპლომატიური უწყება არკვევს ბელგიელ სამართალდამცველებთან ერთად არსებულ სიტუაციას. უწყება ახალი ინფორმაციის მიღებისთანვე ცნობას გაავრცელებს."- უთხრეს "ექსპრესნიუსს" საგარეო საქმეთა სამინისტროში.

მედიაში გავრცელებული ინფორმაციით, ლიზა ქისტაური წამებით არის მოკლული და დედას შვილის დაზიანებული სხეულის ამსახველი ფოტოები გამოუგზავნეს. ამავე ინფორმაციით, ქალი სავარაუდოდ მისმა პარტნიორმა მოკლა, რომელთან ერთადაც იყო გაუჩინარებული დეკემბრის ბოლო დღეებიდან. როგორც რადიო თავისუფლებას ეუბნებიან მისი მეგობრები, ლიზა ქისტაურთან კავშირი 2 იანვრის შემდეგ გაწყდა.

სოციალურ მედიაში ვრცელდება ლიზას გაუჩინარების კიდევ ერთი ვერსია, რომლის მიხედვითაც მას და მის მეგობარს თავს დაესხნენ, თავდასხმის შედეგად მასთან მყოფი ადამიანი გარდაიცვალა და ლიზა იმალება უსაფრთხოების მიზნით, სანამ სამართალდამცველები თავდამსხმელს იპოვიან და დააკავებენ - ოჯახის მხრიდან არც ეს ვერსიაა დადასტურებული.

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება