"ჩინეთი არ გვაწვდის საკმაოდ სრულ და ზუსტ მონაცემებს ჰოსპიტალიზაციისა და კოროვირუსით გარდაცვალების შესახებ". - განცხადებას ჯანდაცვის მსოფლიო ორგანიზაცია ავრცელებს. ჯანდაცვის მსოფლიო ორგანიზაციის მონაცემებით, ოფიციალურმა პეკინმა ჯანმოს მიაწოდა მონაცემები, რის მიხედვითაც გასული წლის დეკემბერში კოვიდიდან მხოლოდ 13 ადამიანი დაიღუპა, რაც ექსპერტების თქმით არ ასახავს რეალურ სურათს.

ჯანმო მოუწოდებს პეკინს იყოს უფრო გამჭვირვალე პანდემიის მასშტაბის შესახებ.

ტედროს ადჰანომ გებრეიესუსი, ჯანდაცვის მსოფლიო ორგანიზაციის ხელმძღვანელი: „ჩვენ ვაგრძელებთ ჩინეთის მოთხოვნას, მოგვაწოდოს უფრო დროული, რეგულარული, სანდო მონაცემები ჰოსპიტალიზაციისა და გარდაცვალების შესახებ და გააძლიეროს ვირუსების თანმიმდევრობა. „ჩვენ ნამდვილად შეშფოთებულები ვართ Covid-19-ის ამჟამინდელი ეპიდემიური სურათით, როდესაც მსოფლიოს რამდენიმე ნაწილი ხედავს როგორც ვირუსის ინტენსიურ გადაცემას, ასევე რეკომბინანტული ვარიანტის სწრაფ გავრცელებას.

მას შემდეგ, რაც ჩინეთის ხელისუფლებამ დეკემბრის დასაწყისში შეამსუბუქა კოვიდ-ვირუსის საწინააღმდეგო შეზღუდვები, ქვეყანაში კორონავირუსმა სწრაფად გავრცელება დაიწყო. ამ ფონზე, არაერთმა ქვეყანამ, მათ შორის დიდმა ბრიტანეთმა, ესპანეთმა, იტალიამ, აშშ-მ, საფრანგეთმა, სამხრეთ კორეამ და იაპონიამ, გაამკაცრეს წესები ჩინეთიდან ჩამოსული ადამიანებისთვის.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს