რუსეთის თავდაცვის სამინისტრომ განაცხადა, რომ უკრაინის შეიარაღებული ძალების მიერ მაკიივკაზე თავდასხმის შედეგად დაღუპულთა რიცხვი 89-მდე გაიზარდა.

რუსეთის შეიარაღებული ძალების მთავარი სამხედრო-პოლიტიკური სამმართველოს უფროსის პირველი მოადგილის, გენერალ-ლეიტენანტი სერგეი სევრიუკოვის ინფორმაციით, დაიღუპულთა შორის არის პოლკის მეთაურის მოადგილე, ვიცე-პოლკოვნიკი ბაჩურინი.

აღსანიშნავია, რომ რუსეთის სამინისტრო მომხდარში საკუთარ ჯარისკაცებს ადანაშაულებს, რადგან როგორც სევრიუკოვი ამბობს, შემთხვევის მიზეზი სამხედროების მიერ, აკრძალვის მიუხედავად, მობილური ტელეფონების გამოყენება იყო, რაც უკრაინელებს რუსი სამხედროების კოორდინატების გარკვევაში დაეხმარა.

„ამ ფაქტორმა მტერს საშუალება მისცა დაედგინა და განესაზღვრა სამხედრო პერსონალის ადგილმდებარეობის კოორდინატები სარაკეტო დარტყმის განსახორციელებლად“, - თქვა სევრიუკოვმა.

გარდა ამისა, სევრიუკოვმა თქვა, რომ რუსმა სამხედროებმა გაანადგურეს HIMARS გამშვები მოწყობილობა, საიდანაც უკრაინული ჯარები თავს დაესხნენ მაკიივკას. 

შეგახსენებთ, რომ ​​უკრაინის შეიარაღებულმა ძალებმა მაკიივკაში რუსი სამხედროების დისლოკაციის ადგილზე იერიში 1-ელ იანვარს მიიტანეს. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს