1 იანვრის ღამეს დონეცკის ოლქის ანექსირებულ ტერიტორიაზე მდებარე ქალაქი მაკიივკა სარაკეტო დარტყმების ქვეშ მოჰყვა, რის შედეგადაც 19-ე პროფესიული სასწავლებელი, სადაც რუსი სამხედროები იყვნენ განადგურდა. ამის შესახებ უკრაინის შეიარაღებული ძალების სტრატეგიული კომუნიკაციების დეპარტამენტი ტელეგრამის არხზე იუწყება.

უკრაინის შეიარაღებული ძალების ცნობით, თავდასხმას 400-მდე რუსი ოკუპანტი ემსხვერპლა, 300 კი დაშავდა. უკრაინული მედია წერს, რომ მობილიზებულები პროფესიული სასწავლებლის შენობაში იყვნენ განლაგებული. Readovka-ს გამოცემა იუწყება, რომ დარტყმა HIMARS MLRS-დან იქნა მიყენებული.

ანექსირებული დონეცკის ე.წ რესპუბლიკის წარმომადგენლებმა TASS-ს დაუდასტურეს დარტყმა და განაცხადეს, რომ დაშავდა 15 ადამიანი.
პროფესიული სკოლის შენობაზე სარაკეტო თავდასხმის ცნობები ასევე დაადასტურა ანექსირებული დონეცკის „ინფორმაციის მინისტრის მოადგილემ“ დანიილ ბესონოვმა. თავის ტელეგრამის არხში მან მოუწოდა მართლმსაჯულების წინაშე დადგეს ისინი, ვინც გადაწყვიტეს სამხედრო პერსონალის ერთ შენობაში განთავსება.

მსგავსი პოსტები ასევე გამოჩნდა ტელეგრამის სხვა არხებზე, მათ შორის VGTRK-ის რეპორტიორის ალექსანდრე სლადკოვის, სამხედრო კორესპონდენტის ბორის როჟინის და მოსკოვის საქალაქო დუმის ვიცე-სპიკერის ანდრეი მედვედევის არხზე.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს