საქართველოს პრემიერ-მინისტრი აფხაზეთის აღიარებას გვთავაზობს? - ასე ეხმაურება ოკუპირებული აფხაზეთის ე.წ. საგარეო საქმეთა სამინისტროს განსაკუთრებულ დავალებათა ელჩი კან ტანია პრემიერ-მინისტრ ირაკლი ღარიბაშვილის განცხადებას.

კან ტანია სოციალურ ქსელში ვრცელ განცხადებას აქვეყნებს და ამბობს, რომ საქართველოს ოკუპირებული აფხაზეთის "გაცილებით დიდი ოდენობის ვალი აქვს", ვიდრე 10 მილიარდი დოლარის ინვესტიციაა, რაზეც ღარიბაშვილმა ისაუბრა.

"საქართველოს პრემიერ-მინისტრი აფხაზეთის აღიარებას გვთავაზობს? ღარიბაშვილმა განაცხადა, რომ საქართველო მზად არის, აფხაზეთსა და სამხრეთ ოსეთში, სამი წლის განმავლობაში $10 მილიარდის ინვესტიცია განახორციელოს. მისი თქმით - "ასეთი ინვესტიცია შეიძლება ძალიან მარტივად ორგანიზდეს და აფხაზეთი მეორე მონაკოდ გადაიქცეს, სოხუმი კი, მონტე-კარლოდ".

ძვირფასო ბატონო ღარიბაშვილო, მინდა შეგახსენოთ, რომ 1992-1993 წლებში საქართველოს მიერ გაჩაღებულმა ომმა და მიყენებულმა ნგრევამ აფხაზეთს სხვადასხვა შეფასებით 17 მილიარდ დოლარამდე ზიანი მიაყენა. თუ ეკონომიკურ ზარალზე ვსაუბრობთ, მაშინ აფხაზეთის გაცილებით დიდი ოდენობის ვალი გაქვთ და ყოველგვარი „თუ“ პირობების გარეშე. 

აფხაზეთის რესპუბლიკა არანაირ ფულზე არ გაერთიანდება საქართველოსთან, ჩვენ არ ვყიდით ჩვენს სუვერენიტეტს და არ ვვაჭრობთ თავისუფლებით. თქვენს განცხადებაში შემოთავაზებაა, რომ აფხაზეთი შეიძლება გახდეს მონაკო. ამისთვის, 10 მილიარდი დოლარის დახარჯვა არ არის საჭირო, არამედ საჭიროა, მთავრობის მიერ რეზოლუციის მიღება აფხაზეთის სუვერენიტეტის აღიარებაზე, რომელიც საშუალებას მოგვცემს გაეროში გაწევრიანების, სხვა ქვეყნებთან თანამშრომლობის და ქვეყნის შემდგომი განვითარების", - წერს კან ტანია.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ოკუპირებულ აფხაზეთთან დაკავშირებით განცხადება 27 დეკემბერს, მთავრობის მუშაობის 2022 წლის ანგარიშის წარდგენისას გააკეთა.

"ოკუპირებული აფხაზეთის ე.წ. ბიუჯეტი, თუ არ ვცდები, 200 მილიონ დოლარს შეადგენს, აქედან სრულად დოტაციაზეა მათი ეს ბიუჯეტი და მინდა ვთქვა, რომ ჩვენი აფხაზი და ოსი დებისა და ძმებისთვის ეს არის გაშვებული შესაძლებლობა. ჩვენი ქვეყნის გაერთიანების შემთხვევაში, ჩვენ შეგვიძლია, პირველ სამ წელიწადში, დაახლოებით, 10 მილიარდის ინვესტიცია განვახორციელოთ აფხაზეთში და ასევე, სამაჩაბლოში. ძალიან მარტივად შეიძლება ამის ორგანიზება, ჩვენ ეს გააზრებული გვაქვს, ამის თაობაზე ჩვენ გვქონდა ეკონომიკურ საბჭოზე მსჯელობა. აფხაზეთი შეიძლება გახდეს მეორე მონაკო და ეს არ არის გადაჭარბებული შეფასება. აქვს უზარმაზარი პოტენციალი აფხაზეთს, რომ გახდეს მეორე მონაკო და სოხუმი - მეორე მონტე-კარლო", - თქვა ღარიბაშვილმა.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს