ნათელია, რომ არის ერთობლივი თამაში სხვადასხვა ძალებს შორის, რომლებიც ვითომ ძალიან დაპირისპირებული არიან, - ამის შესახებ საქართველოს პრეზიდენტმა, სალომე ზურაბიშვილმა ორბელიანების სასახლეში გამართულ ბრიფინგზე განაცხადა.

მისი თქმით, მიხეილ სააკაშვილის საქართველოში ჩამოყვანა იყო შეთანხმება, რომელიც ორივე ძალას აწყობდა. 

"ვიცი, რომ ეს აქცია იყო მიზანმიმართული იმისათვის, რომ მომხდარიყო ზეწოლა პრეზიდენტზე, იმ პარტიისგან, როლებიც დღეს მეთაურები არსად არ იყვნენ 2007 წელს. ეს ადამიანები, რომლებიც დღეს მემუქრებიან სხვადასხვა ფორმით, არ ვიცი კარიერით თუ რა ვიცი, რა ფორმით თვლიან, რომ შეუძლიათ დამემუქრონ, ეს ადამიანები არსად არ იყვნენ მაშინ და ახლა მასწავლიან, როგორ უნდა ებრძოლო სააკაშვილს, რომელიც დღეს უკვე დაცემულია. 

 აქ ძალიან ნათელია, რომ არის ერთობლივი თამაში სხვადასხვა ძალებს შორის, რომლებიც ვითომ ძალიან დაპირისპირებული არიან. მაგრამ ვინ შეიწყალა მურუსიძე-ჩინჩალაძე. მე? როდის? არ ვიცი მიპასუხეთ. მე მგონი სწორედ იმ ძალამ, რომელიც დღეს ჭკუას მასწავლის. არა თუ შეიწყალეს, არამედ განაწესეს ისეთ ადგილებზე, საიდანაც ვერავინ ვერ მხსნის მათ და საიდანაც, ისინი ძალიან ეფექტურად გვიბლოკავენ ევროპის გზას. ვის აწყობს, რატომ არ კითხულობთ ამას? 

რა არის ამ ორ ძალას შორის შეთანხმებული. პირველ რიგში მიშას ჩამოყვანა. რას ერჩოდნენ?! ან ერთნი, როცა აქეზებდნენ - "ჩამობრძანდით და ხალხი გამოვა თქვენთვის", ან მეორენი, რომელიც ქართულ ხასიათზე თამაშით აქეზებდნენ "ლაჩარი ხომ არ ხარ,ჩამოდი". ორივეს აწყობს მიშას ჩამოსვლა. ერთი წელია, ჩვენ ვართ სრულიად გაჩერებული ამ მიშას ირგვლივ, სხვა თემა არ არსებობს. ქვეყანა იძირება ამ საკითხის ირგვლივ და ამაში ორივეს აწყობს.",- განაცხადა ზურაბიშვილმა. 

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს