უკრაინის პრეზიდენტმა ვოლოდიმირ ზელენსკიმ განაცხადა, რომ 2023 წელი ომის ფრონტის ხაზზე გადამწყვეტი უნდა იყოს. 

უკრაინის სახელმწიფოს მეთაურმა აღნიშნა, რომ მან უმაღლესი სარდლის შტაბის სხდომა გამართა, სადაც მეთაურებთან ერთად გადაწყვიტეს უახლოესი ნაბიჯები. 

"თემა ნათელია. პირველ რიგში, ეს არის ბახმუტი, კრემენნაია და ზოგადად დონბასი. მტრის შესაძლო მოქმედებები აღმოსავლეთის მიმართულებით და ჩვენი ქმედებები. ჩვენ ვაგრძელებთ უკრაინის თავდაცვისა და უსაფრთხოების ძალების მომზადებას მომავალი წლისთვის. ეს უნდა იყოს გადამწყვეტი წელი. ჩვენ გვესმის, რა რისკებია ზამთარში, გვესმის, რა უნდა გავაკეთოთ გაზაფხულზე. ეს თავდაცვისა და უსაფრთხოების სექტორმა უნდა აჩვენოს“, - აღნიშნა ზელენსკიმ. 

უკრაინის პრეზიდენტმა ასევე დასძინა, რომ განიხილეს საბრძოლო მასალის მიწოდება და სამხედრო ტექნიკის შეკეთება.

„სხვათა შორის, მადლობა მინდა გადავუხადო ჩვენს სპეციალისტებს, ყველა ჩვენს პარტნიორს, ყველას, ვინც ჩართულია შესაბამის სამუშაოებში. ჩვენ მოვახერხეთ ასეთი სისტემის ჩამოყალიბება არა მხოლოდ შეკეთებული ტექნიკის ბრძოლის ველზე დასაბრუნებლად, არამედ დატყვევებული ტექნიკის წასაღებად. ეს არის წლის ძალიან მნიშვნელოვანი შედეგი“, - ამბობს სახელმწიფო მეთაური.

აღსანიშნავია, რომ სამხედრო ექსპერტები ოლეგ ჟდანოვი და რომან სვიტანი მიიჩნევენ , რომ რუსეთთან ომის მომდევნო თვეები უკრაინისთვის ყველაზე რთული იქნება. ჟდანოვის თქმით, უკრაინას ძირითადად შეტევითი ოპერაციების ჩატარება მოუწევს. შეტევის დროს დანაკარგები ყოველთვის უფრო დიდია, ვიდრე დაცვის პოზიციაში. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს