დონეცკის ოლქში, დროებით ოკუპირებულ მაკიივკაში, 8 კაციანი ოჯახი, მათ შორის 4 ბავშვი, დახოცეს.

რუსული მედია საოკუპაციო ხელისუფლებაზე დაყრდნობით წერს, რომ მკვლელები მძარცველები იყვნენ და ისინი, სავარაუდოდ, უკვე დაიჭირეს, მაგრამ მარიუპოლის მერის მრჩეველმა პეტრო ანდრიუშჩენკომ ივარაუდა, რომ მკვლელობა "ვაგნერების" ჩადენილია.

ოკუპანტების ე.წ. შინაგან საქმეთა სამინისტროს ცნობით, ცნობა ერთ-ერთი სახლის ტერიტორიაზე 8 ადამიანის, მათ შორის ოთხი არასრულწლოვანის ცხედრის აღმოჩენის შესახებ, მორიგე განყოფილებამ მიიღო.

მასმედიის ცნობით, დაღუპულთაგან ყველაზე უმცროსი ერთი წლის ბავშვია. გარდა ამისა, დაიღუპნენ 7 და 9 წლის ბავშვებიც.

ე.წ. „შინაგან საქმეთა სამინისტროს“ ინფორმაციით, შემთხვევის გამო სამი ეჭვმიტანილი დააკავეს. ყველა მათგანი ნასამართლევია და სავარაუდოდ „აღიარეს, რომ დანაშაული ეგოისტური მიზეზების გამო, მანქანისა და ძვირფასი ქონების მოპარვის მიზნით ჩაიდინეს“.

ოკუპანტების შინაგან საქმეთა სამინისტრომ განაცხადა, რომ ეჭვმიტანილებს შესაძლოა „უმაღლესი სასჯელი“ დაემუქროს.

ანდრიუშჩენკო ვარაუდობს, რომ ასეთი დანაშაულები შეიძლება გაგრძელდეს, რადგან რუსეთმა ფრონტზე აიყვანა "არაადამიანები და კრიმინალები, ნეონაცისტები და სხვა ადამიანური ნაგავი".

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს