რუსი ოკუპანტების ძირითადი სარაკეტო იერიში ქალაქ ხერსონის ცენტრალურ ბაზრის ტერიტორიაზე განხორციელდა. ამის შესახებ ტელეკომპანია "აისიტივი" იუწყება.

ჟურნალისტების ინფორმაციით, შაბათი ბაზრობის დღეა, ამიტომ ხერსონის ცენტრალური ბაზრის ტერიტორიაზე ბევრი ხალხი იმყოფებოდა.

"რუსებმა მორიგი ტერორი ჩაიდინეს - დაბომბეს ქალაქის ცენტრი! ხალხი დაიღუპა, შენობები დაინგრა. ქალაქის ცენტრში მანქანები იწვის, დღეს დასვენების დღეა, უამრავი ხალხი იყო ქუჩაში. ახლა ყველა სამსახური მუშაობს", - თქვა ხერსონის ადმინისტრაციის ხელმძღვანელმა კირილ ტიმოშენკომ.

უკრაინის პრეზიდენტმა ვლადიმირ ზელენსკიმ დაბომბვის შედეგად დაღუპულთა ფოტოები გამოაქვეყნა. „სოციალური ქსელები სავარაუდოდ ამ ფოტოებს „სენსიტიურ შინაარსს“ ფოტოებად დაასახელებს. მაგრამ ეს არ არის სენსიტიური შინაარსის  - ეს, არის უკრაინისა და უკრაინელების რეალური ცხოვრება“, - წერს ზელენსკი.

დღეს ოკუპანტების მიერ ხერსონის დაბომბვის შედეგად დაშავებულთა რიცხვი 58-მდე გაიზარდა, დაიღუპა 8 ადამიანი.

ხერსონი ომის უმეტესი ნაწილი რუსეთის ოკუპაციის ქვეშ იყო. შემოდგომაზე რუსეთის ხელისუფლებამ ის, ისევე როგორც სხვა ოკუპირებული უკრაინის მიწები, თავის ტერიტორიად გამოაცხადა. უკრაინელი სამხედროები რეგულარულად ბომბავდნენ გადასასვლელებს დნეპრის გასწვრივ, რაც ართულებდა რუსეთის ჯარების მიწოდებას დნეპრის მარჯვენა სანაპიროზე; ნოემბრის დასაწყისში რუსულმა ჯარებმა ქალაქიდან უკან დაიხიეს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს