რუსეთის პრეზიდენტმა ვლადიმერ პუტინმა, საინფორმაციო პოლიტიკის განხორციელებაში შეტანილი დიდი წვლილისთვის, Russia Today-ს მთავარ რედაქტორს, მარგარიტა სიმონიანს ღირსების ორდენი გადასცა. 

დაჯილდოების ცერემონიაზე სიმონიანმა მადლობა გადაუხადა რუს დიქტატორს იმისთვის, რომ 2008 წელს არ დაუშვა „გიჟ კანიბალს აფხაზეთი და ოსეთი გადაეყლაპა“. 

გარდა ამისა, მან მადლობა გადაუხადა პუტინს რამდენიმე წლის წინ „ყარაბაღის ხოცვა-ჟლეტის შეჩერებისთვის“. 

„ყოველთვის მინდოდა მეთქვა - გმადლობთ კანიბალების ჩაძაღლებისთვის. 20 წელზე მეტი ხნის წინ დაგპირდით, გახსოვთ ალბათ თქვენი დაუვიწყარი ფრაზა "ჩაძაღლება". მადლობა, რომ 2008 წელს გიჟ კანიბალს არ მიეცით საშუალება აფხაზეთი და ოსეთი გადაეყლაპა. მადლობა, ყარაბაღის ხოცვა-ჟლეტის შეჩერებისთვის. გმადლობთ, რომ ჩვენი ხალხი ამ კანიბალებს სისხლიანი პირიდან ტკივილით, სისხლით გამოგლიჯეთ. ჩვენ დაგეხმარებით ამაში, რამდენადაც თქვენ ჩვენგან მოითხოვთ, ”- განაცხადა სიმონიანმა. 

პუტინმა სახელმწიფო ჯილდოები ასევე გადასცა ე.წ ლუგანსკის და დონეცკის სახალხო რესპუბლიკების მეთაურების მოვალეობის შემსრულებლებს - ლეონიდ პასეჩნიკსა და დენის პუშლინს, ასევე ზაპოროჟიესა და ხერსონის რეგიონების ე.წ ხელმძღვანელებს, ევგენი ბალიცკისა და ვლადიმერ სალდოს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს