რუსეთთან ურთიერთობების გასაფართოებლად, თეირანი ნებართვას არავისგან  არ ითხოვს, - ამის შესახებ ინფორმაციას ირანის საგარეო საქმეთა სამინისტრო ავრცელებს. 

ირანის საგარეო საქმეთა სამინისტროს პრესსპიკერის ნასერ კანანის განცხადებით, თეირანი დამოუკიდებლად მოქმედებს თავისი საგარეო ურთიერთობების რეგულირებაში.

„თეირანი დამოუკიდებლად მოქმედებს თავისი საგარეო ურთიერთობების რეგულირებაში და არავის სთხოვს ნებართვას. ირანსა და რუსეთს შორის თანამშრომლობა სხვადასხვა სფეროში, მათ შორის თავდაცვის სფეროში, ფართოვდება საერთო ინტერესების ფარგლებში და არა რომელიმე მესამე ქვეყნის წინააღმდეგ“,- განაცხადა კანანმა.

ამასთან, აშშ-ის ცენტრალური სადაზვერვო სააგენტოს ხელმძღვანელის, უილიამ ბერნსის განცხადებით, ირანსა და რუსეთს შორის სამხედრო თანამშრომლობა „საფრთხეს უქმნის“ აშშ-ის მოკავშირეებს ახლო აღმოსავლეთში.

კანანის თქმითვე, ირანის პოლიტიკა მისი ეროვნული ინტერესებითაა ნაკარნახევია.

„აშშ-ის ოფიციალური პირები აგრძელებენ უსაფუძვლო პოლიტიკურ პრეტენზიებს და უკანონო ქმედებებს ირანის ისლამური რესპუბლიკის წინააღმდეგ, რაც კითხვის ნიშნის ქვეშ აყენებს ირანსა და რუსეთს შორის ჩვეულებრივი თავდაცვას და სამხედრო თანამშრომლობა“,- დასძინა კანანმა.

ცნობისთვის, ირანს რუსეთისთვის უპილოტო საფრენი აპარატების მიწოდებაში ადანაშაულებენ, რომელიც უკრაინაზე თავდასხმისთვის გამოიყენება.

შეგახსენებთ, რომ ზაფხულში ცნობილი გახდა, რომ რუსეთმა ირანიდან Shahed-136 და Mohajer-6 კამიკაძე დრონები შეიძინა.

ირანის ხელისუფლება დიდი ხნის განმავლობაში არ აღიარებდა, რომ მათ რუსეთს უპილოტო საფრენი აპარატები მიჰყიდეს.

ნოემბრის დასაწყისში ირანის საგარეო საქმეთა მინისტრმა ჰოსეინ ამირ აბდოლაჰიანმა აღიარა, რომ  მისმა ქვეყანამ რუსეთს დრონები სრულმასშტაბიანი ომის დაწყებამდე რამდენიმე თვით ადრე მიაწოდა.

მოგვიანებით, აშშ-ს ხაზინამ დააწესა სანქციები კომპანიების წინააღმდეგ, რომლებიც ირანიდან რუსეთში უპილოტო თვითმფრინავების წარმოებასა და მიწოდებას ახორციელებენ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს