ავღანეთის დედაქალაქ ქაბულის ჩრდილოეთით მდებარე სალანგის გვირაბში საწვავის ტანკერი აფეთქდა. The Guardian-ის ინფორმაციით, აფეთქების შედეგად სულ მცირე 19 ადამიანი დაიღუპა, ხოლო 32 დაშავდა.

ფარვანის პროვინციის სპიკერის, საიდ ჰიმატულა შამის განცხადებით, დაღუპულთა შორის ქალები და ბავშვებიც არიან. მისივე თქმით, ნანგრევების ქვეშ, შესაძლოა, ადამიანები იყვნენ მოყოლილი, რის გამოც, სპიკერი გარდაცვლილთა რიცხვის ზრდას არ გამორიცხავს.

კიდევ ერთი ადგილობრივი ოფიციალური პირი, დოქტორი აბდულა ავღანი ამბობს, რომ დაღუპულთა ნაწილის იდენტიფიცირება, მძიმე დამწვრობების გამო, ჯერჯერობით ვერ ხერხდება. 

ამ დროისთვის არსებული ინფორმაციით, ხანძარი ლიკვიდირებულია და გვირაბის გასასუფთავებლად მუშაობა მიმდინარეობს.

აღსანიშნავია, რომ გვირაბი, სადაც აფეთქება მოხდა, ქაბულიდან 130 კმ-ის დაშორებით მდებარეობს და ერთმანეთთან ქვეყნის ჩრდილოეთსა და სამხრეთს აკავშირებს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს