აშშ-ის კონგრესმა წარმოადგინა რეზოლუცია, რომელიც გაერო-ს უშიშროების საბჭოდან რუსეთის გარიცხვას ითვალისწინებს,- აღნიშნულის შესახებ ინფორმაციას ამერიკულ გამოცემა Foreign Policy-ი ავრცელებს.

ორმა ამერიკელმა დეპუტატმა, რომლებიც ხელმძღვანელობენ ადამიანის უფლებათა დამოუკიდებელ სამთავრობო ორგანიზაციას, დემოკრატმა სტივ კოენმა და რესპუბლიკელმა ჯო უილსონმა კონგრესს წარუდგინეს რეზოლუცია, რომელიც პრეზიდენტ ჯო ბაიდენს მოუწოდებს, გაეროს უშიშროების საბჭოდან რუსეთი ამოიღოს.

დეპუტატების თქმით, „რუსეთმა ჩაიდინა გაეროს წესდების აშკარა დარღვევა, რაც ეჭვქვეშ აყენებს მის უფლებას ჰქონდეს ადგილი უშიშროების საბჭოში“. მათ შორისაა ასევე: უკრაინის ოთხი რეგიონის ანექსია, უკანონო კენჭისყრა, უკრაინის ისეთ ქალაქებში, როგორიცაა ბუჩა, სისასტიკით ჩადენილი დანაშაულები და ბირთვული მუქარა.

აღსანიშნავია, რომ მანამდე ორპარტიული ჰელსინკის კომისიამ აშშ-ს სახელმწიფო მდივანს, ენტონი ბლინკენს მოუწოდა გაეპროტესტებინა რუსეთის, როგორც უშიშროების საბჭოს მუდმივი წევრის სტატუსი და შესთავაზა კონგრესს აღიაროს, რომ „რუსეთის ომმა დაარღვია გაეროს მიზნები და პრინციპები და სთხოვს აშშ-ს მთავრობას გადადგას ნაბიჯები გაეროში მისი უფლებების შეზღუდვის მიზნით“.

შეგახსენებთ, როგორც როგორც მანამდე უკრაინის პრეზიდენტმა, ვოლოდიმირ ზელენსკიმ განაცხადა, რუსეთის ფედერაციამ გაეროს უშიშროების საბჭოში დაიკავა ადგილი, მაგრამ „მსოფლიოში არავის სურს მისი ტყუილების მოსმენა“

ამასთან მიმდინარე წლის თებერვალში რუსეთმა ვეტო დაადო გაეროს რეზოლუციას, რომელიც უკრაინის წინააღმდეგ ომის შეწყვეტას მოითხოვდა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს