რუსეთი დონბასში ქალაქს ქალაქზე ანადგურებს, როგორც მარიუპოლს, ვოლნოვახას, ბახმუტს. ასეთ პირობებში თავდაცვა მხოლოდ გმირობა არაა, რაღაც უფრო მეტია, - ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.

უკრაინის პრეზიდენტის თქმით, ფრონტის ხაზზე, სადაც მტერი ყველაფრის განადგურებას ცდილობს, თითოეული მეტრის მოპოვება უკიდურესად მძიმეა. 

"ფრონტის ხაზზე სიმშვიდე არ არის. ადვილი და მარტივი არაფერია. ყოველი დღე და ყოველი მეტრის მოპოვება უკიდურესად მძიმეა, განსაკუთრებით კი იქ, სადაც მტერი ცდილობს, რომ არტილერიით გაანადგუროს ყველაფერი ისე, რომ მხოლოდ ნანგრევები და მიწაში კრატერები დარჩეს...  მადლობას ვუხდი ყველა ჩვენს მეომარს, რომლებიც უძლებენ ოკუპანტების ზეწოლას. მინდა ვისაუბრო 46-ე ცალკეული საჰაერო ბრიგადის მეომრებზე, რომლებმაც ძალიან ოსტატურად და მამაცურად დაამარცხეს მტერი მორიგი შეტევის დროს და აიძულეს უკან დახევა. ყოჩაღ! ასევე მინდა აღვნიშნო მე-80 და 95-ე ცალკეული საჰაერო-სადესანტო ბრიგადების მეომრები, რომლებიც იბრძვიან კრემინის მიმართულებით თანაც ძალიან ეფექტურად. მადლობა, მებრძოლებო! მადლობა ჩვენს ჰაერსაწინააღმდეგო არტილერისტებს და საჰაერო ძალებს, რომ ირანული დრონების მორიგი თავდასხმა მოიგერიეს. კიევის რეგიონის ცას საჰაერო ძალების 96-ე ჰაერსაწინააღმდეგო სარაკეტო ბრიგადა იცავს - მადლობა ბიჭებო! დიდება ყველას, ვინც ჩვენი ქვეყნისთვის იბრძვის! დიდება ყველას, ვინც თავისი სიმამაცით და ეფექტურობით ავსებს სიტყვას, რომელიც ახლა მთელ მსოფლიოში ისმის, სიტყვა - უკრაინა", - განაცხადა ვოლოდიმირ ზელენსკიმ. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს