ამერიკის შეერთებულ შტატებს არ გააჩნია ინფორმაცია იმის შესახებ, რომ იარაღი, რომელიც უკრაინას სამხედრო დახმარების სახით მიეწოდება, არასწორად ან უკანონო მიზნებისთვის გამოიყენება.

როგორც პენტაგონის სპიკერმა, პატრიკ რაიდერმა გამართულ ბრიფინგზე განაცხადა, ამ ფაქტს ბრძოლის ველზე არსებული შედეგები ადასტურებს. 

"ამჟამად, ჩვენ არ გვაქვს რაიმე სანდო ინფორმაცია, რომელიც მიუთითებს, იყო თუ არა უკრაინაში დახმარების უკანონო მიზნებისთვის გადამისამართების შემთხვევები და ვფიქრობ, ამაზე ბრძოლის ველზე შედეგები თავისთავად მეტყველებს", - განმარტა პენტაგონის სპიკერმა.

რაიდერის თქმით, უკრაინა ძალიან ეფექტურად იყენებს გადაცემულ დახმარებას თავისი ტერიტორიების გასათავისუფლებლად. 

„ჩვენ ვაგრძელებთ იმის დანახვას, რომ უკრაინელები იყენებენ იმ შესაძლებლობებს, რომლებსაც შეერთებული შტატები და საერთაშორისო თანამეგობრობა აძლევს მათ. ისინი ამას ძალიან ეფექტურად იყენებენ თავიანთი სახელმწიფოს დასაცავად და სუვერენული ტერიტორიის დასაბრუნებლად“, - ხაზგასმით აღნიშნა მან. 

შეგახსენებთ, რომ 7 დეკემბერს, აშშ-ის სენატმა 2023 წლის თავდაცვის რეკორდული ბიუჯეტი დაამტკიცა. ჯამური თანხა 847,3 მილიარდი დოლარია, აქედან 800 მილიონი უკრაინისთვის გამოიყოფა. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს